హైద‌రాబాద్ లో మ‌రో భారీ అగ్ని ప్ర‌మాదం..ఎగిసిప‌డుతున్న మంట‌లు

దిశ‌, వెబ్ డెస్క్‌: హైదరాబాద్ మహానగరంలో మరో ఘోర ప్రమాదం జరిగింది. పాతబస్తీ సమీపంలోని శాలిబండ ప్రాంతంలో ఒక్కసారిగా మంటలు ఎగిసిపడ్డాయి. స్థానికంగా ఉన్న గోమతి ఎలక్ట్రానిక్స్ షోరూంలో ( Gomathi Electronics store ) మంటలు ఎగిసిపడుతున్నాయి. షాప్ క్లోజింగ్ సమయంలోనే ఒక్కసారిగా మంటలు చెలరేగినట్లు తెలుస్తోంది. దీంతో ఆ షోరూంలో పనిచేసే సిబ్బందికి తీవ్ర గాయాలు అయ్యాయి. ఈ నేపథ్యంలోనే ఫైర్ సిబ్బంది రంగంలోకి దిగి, మంటలు ఆర్పుతోంది. అటు అంబులెన్సులో గాయాల పాలైన వారిని ఆసుపత్రికి తరలిస్తున్నారు.

ఈ అగ్నిప్రమాదం ఎఫెక్ట్ కారణంగా ఆ షోరూంలో ఉన్న ఎలక్ట్రానిక్ వస్తువులన్నీ పేలిపోయాయి. ముఖ్యంగా ఏసీలు, వాషింగ్ మిషన్లకు సంబంధించిన కంప్రెష‌ర్లు పేలిపోతున్నాయట. దీంతో మంటలు మరింత చెలరేగుతున్నట్లు తెలుస్తోంది. అటు భారీగానే ఆస్తి న‌ష్టం జ‌రిగిన‌ట్లు తెలుస్తోంది. ఈ అగ్నిప్రమాదం కారణంగా ఎలక్ట్రానిక్స్ షోరూం చుట్టుపక్కల ఉన్న నివాసం ఉంటున్న వాళ్ల‌ను ఖాళీ చేయిస్తున్నారు స్థానిక పోలీసులు. అలాగే ఈ షోరూం స‌మీపంలో ఉన్న రోడ్లన్నీ బ్లాక్ చేసి, జనాలు రాకుండా కట్టుదిట్టమైన భద్రతా ఏర్పాట్లు చేశారు. ప్రస్తుతం సహాయక చర్యలు కొనసాగుతున్నాయి. ఈ సంఘటనపై ఇంకా వివరాలు తెలియాల్సి ఉంది. క్లిక్