సుశాంత్, సారా ప్రేమలో ఉండేనా?

సుశాంత్ సింగ్ రాజ్‌పుత్ కేసును సీబీఐకి అప్పగిస్తూ సుప్రీం కోర్టు ఆదేశించడంతో అభిమానులు ఆనందం వ్యక్తం చేశారు. కచ్చితంగా న్యాయం జరుగుతుందని ధీమాతో ఉన్నారు. అయితే సుశాంత్ విషయంలో నెట్టింట్లో రోజుకో ఇంట్రెస్టింగ్ మ్యాటర్ బయటకు వచ్చినట్లే.. ఈ రోజు మరో వార్త సోషల్ మీడియాలో హల్ చల్ చేస్తోంది.

తాజాగా సుశాంత్ ఫ్రెండ్ శామ్యూల్ హావుకిప్.. ‘కేదార్‌నాథ్’ సినిమా సమయంలో ఆ సినిమా హీరో, హీరోయిన్లు సుశాంత్, సారా అలీ ఖాన్ ప్రేమలో ఉన్నారని పోస్ట్ పెట్టాడు. వారిద్దరి మధ్య చాలా స్వచ్ఛమైన ప్రేమ ఉండేదని.. ఒకరినొకరు చాలా రెస్పెక్ట్ ఇచ్చుకునేవారని తెలిపాడు. అలాంటి ప్రేమ ఈ కాలంలో లేదన్న సుశాంత్ స్నేహితుడు.. సుశాంత్ ఫ్యామిలీ, ఫ్రెండ్స్, స్టాఫ్ మెంబర్స్‌కు కూడా సారా చాలా రెస్పెక్ట్ ఇచ్చేదన్నాడు. కానీ ‘సొంచిరియా’ బాక్సాఫీస్ వద్ద విఫలమవడమో లేక మూవీ మాఫియా ఒత్తిడో తెలియదు కానీ సారా సుష్‌కు బ్రేకప్ చెప్పేసింది అన్నాడు.