సెమీస్‌లో ఓటమి.. హైలో ఓపెన్ నుంచి ఉన్నతి అవుట్

దిశ, స్పోర్ట్స్: యువకెరటం ఉన్నతి హుడా వరుస గేమ్స్ ఓడిపోయి హైలో ఓపెన్ నుంచి నిష్క్రమించింది. ఇండోనేషియాకు చెందిన పుత్రి కుసుమ వర్దానీతో జరిగిన మ్యాచులో ఏమాత్రం పోటీ ఇవ్వలేకపోయిన ఉన్నతి 7-21, 13-21 తేడాతో చిత్తుగా ఓడింది. కేవలం 35 నిమిషాల్లోనే ఈ మ్యాచ్ ముగియడం గమనార్హం. అక్టోబరులో గువాహతి వేదికగా జరిగిన బీడబ్ల్యూఎఫ్ వరల్డ్ జూనియర్ మిక్స్‌డ్ టీం ఛాంపియన్‌షిప్‌లో భారత్ తరఫున తొలి మెడల్ గెలిచిన జట్టులో ఉన్నతి ఉన్న సంగతి తెలిసిందే. ఆమె టీం ఆ టోర్నీలో కాంస్యం సాధించింది. ఆ జోష్‌తో హైలో ఓపెన్‌లో అడుగు పెట్టిన ఉన్నతి.. మహిళల సింగిల్స్ విభాగంలో సెమీస్‌కు దూసుకొచ్చింది. టాప్ సీడ్ పుత్రి కుసుమతో జరిగిన మ్యాచులో అద్భుతంగా ఆడినప్పటికీ, కుసుమ వేగం, కచ్చితత్వాన్ని ఉన్నతి అందుకోలేకపోయింది. దీంతో సెమీఫైనల్స్‌లో టోర్నీ నుంచి నిష్క్రమించింది.