చిరు సినిమాలో వెంకీ ఒక్కడే కాదు, మరో హీరో కూడా!
చిరంజీవి, బాబి కాంబినేషన్ లో రాబోతుంది మలయాళ సూపర్ స్టార్ మోహన్ లాల్ నటించబోతున్నట్లు
దిశ, వెబ్ డెస్క్ : మెగాస్టార్ చిరంజీవి వరస సినిమాలతో దూసుకువెళ్తున్నారు. ఏడాదికి ఒకటి లేదా రెండు సినిమాలను రిలీజ్ చేసి, ప్రేక్షకులను అలరిస్తున్నారు. ప్రస్తుతం అనిల్ రావిపూడి దర్శకత్వంలో సినిమా చేస్తున్న మెగాస్టార్ చిరంజీవి, ఆ తర్వాత మెగా 158 సినిమాతో బిజీ కానున్నారు. ఈ మూవీ మెగాస్టార్ చిరంజీవి, బాబి కాంబినేషన్ లో రాబోతుంది. ఇప్పటికే వాల్తేరు వీరయ్య సినిమాతో వీరిద్దరూ సక్సెస్ అందుకున్నారు. ఇప్పుడు మరోసారి కొత్త సినిమాతో రాబోతున్నారు. అయితే ఇందులో ఓ పవర్ ఫుల్ పాత్రలో మలయాళ సూపర్ స్టార్ మోహన్ లాల్ నటించబోతున్నట్లు సోషల్ మీడియాలో వార్తలు మొదలయ్యాయి.
ఈ మేరకు టాలీవుడ్ సర్కిల్స్ లో చర్చ జరుగుతోంది. వాల్తేరు వీరయ్యలో రవితేజను బాబీ బాగానే వాడాడు. ఇక్కడ అదే తరహాలో మోహన్ లాల్ ను తీసుకోవాలని ప్లాన్ చేస్తున్నారట. ఈ మేరకు మోహన్ లాల్ కూడా గ్రీన్ సిగ్నల్ ఇచ్చాడని టాక్ వినిపిస్తోంది. ఇది ఇలా ఉండగా ఈ సినిమాలో ఇద్దరు హీరోయిన్లతో మెగాస్టార్ చిరంజీవి స్టెప్పులు వేయనున్నాడు. ఇందులో ఒకరు రాశి ఖన్నా అయితే, మరొకరు మాళవిక మోహనన్ అని సమాచారం. కాగా ఈ సినిమా షూటింగ్ వచ్చే నెలలో ప్రారంభం కానుందట. వచ్చే ఏడాది సమ్మర్ కు రిలీజ్ చేయాలని ప్లాన్ చేస్తున్నారట. కాగా అనిల్, చిరు కాంబోలో వస్తున్న 'మన శంకర వరప్రసాద్ గారు" మూవీలో వెంకీ మామ ప్రత్యేక పాత్రలో కనిపించనున్నారు.
