Asia Cup 2023: అరుదైన ఘనత సాధించిన విరాట్‌ కోహ్లి.. రెండో ఆటగాడిగా..

దిశ, వెబ్‌డెస్క్: ఆసియా కప్‌ 2023లో భాగంగా నేపాల్‌తో ఇవాళ జరుగుతున్న మ్యాచ్‌లో టీమిండియా మాజీ కెప్టెన్‌ విరాట్‌ కోహ్లి అరుదైన ఘనత సాధించారు. ఈ మ్యాచ్‌లో ఆసిఫ్‌ షేక్‌ క్యాచ్‌ పట్టడం ద్వారా కోహ్లి మల్టీ నేషనల్‌ వన్డే టోర్నమెంట్లలో 100 క్యాచ్‌లను పూర్తి చేశాడు. భారత మాజీ సారధి మొహమ్మద్‌ అజహారుద్దీన్‌ తర్వాత ఈ ఘనత సాధించిన రెండో నాన్‌ వికెట్‌ కీపర్‌గా కోహ్లి రికార్డుల్లోకెక్కాడు. నేపాల్‌ ఇన్నింగ్స్‌ 30వ ఓవర్‌లో మహ్మద్‌ సిరాజ్‌ బౌలింగ్‌లో విరాట్‌ ఈ క్యాచ్‌ను అందుకున్నాడు. అంతకుముందు కోహ్లి ఓసారి ఆసిఫ్‌ షేక్‌ అందించిన సునాయాస క్యాచ్‌ను జారవిడిచాడు.