టీ20లలో ఆ ముగ్గురే బెస్ట్ : సురేశ్ రైనా

దిశ, స్పోర్ట్స్ : భారత మాజీ క్రికెటర్ సురేశ్ రైనా టీ20 క్రికెట్‌లో టాప్-3 బ్యాటర్లను ప్రకటించాడు. తాజాగా ఓ పాడ్‌కాస్ట్‌లో పాల్గొన్న రైనా.. టీ20ల్లో సౌతాఫ్రికా బిగ్ హిట్టర్ హెన్రిచ్ క్లాసెన్‌తోపాటు భారత్ నుంచి అభిషేక్ శర్మ, సూర్యకుమార్‌లను ఎంచుకున్నాడు. ప్రస్తుతం ఈ ముగ్గురే టీ20ల్లో బెస్ట్ అని తెలిపాడు. ‘వాంఖడే స్టేడియంలో ఇంగ్లాండ్‌పై అభిషేక్ శర్మ సెంచరీ చేశాడు. సూర్యకుమార్ చాలా షాట్లు ఆడగలడు. ఇక, క్లాసెస్‌కు ఉన్న సిక్స్ హిట్టింగ్ సామర్థ్యం చాలా అరుదు. ప్రస్తుతం వరల్డ్‌లో వారే టాప్-3లో ఉంటారు.’అని తెలిపాడు. అలాగే, ప్రస్తుతం మోస్ట్ అండరేటెడ్ బ్యాటర్ ఎవరు? అని అడగగా రైనా.. ఇషాన్ కిషన్ అని చెప్పాడు. ‘ఇషాన్ కిషన్ చాలా బలమైన ప్లేయర్. అతను అద్భుతంగా ఆడాడు. కానీ, అతను ఇంకా మెరుగ్గా రాణించాలి.’అని సూచించాడు.