సంగారెడ్డిలో గంజాయి పట్టివేత

దిశ, మెదక్: సంగారెడ్డి జిల్లాలో గంజాయి పట్టుబడింది. వివరాల్లోకి వెళితే.. సంగారెడ్డి జిల్లా ముత్తంగి ఔటర్ రింగ్ రోడ్డు వద్ద సోమవారం ఎక్సైజ్ ఎన్ఫోర్స్మెంట్ అధికారులు మూడు వందల కిలోల గంజాయిని పట్టుకున్నారు. ఏపీ నుంచి జహీరాబాద్ కు మూడు కార్లలో గంజాయిని తరలిస్తుండగా తనిఖీలు నిర్వహించి సీజ్ చేశారు. అనంతరం ఆరుగురిని అరెస్టు చేశారు. వీరిపై కేసు నమోదు చేశామని, ఇంకా వీరి నుంచి పూర్తి వివరాలు రాబడుతున్నామని ఎక్సైజ్ ఎన్ఫోర్స్మెంట్ అధికారులు తెలిపారు.