పంద్రాగస్టు ముందు భారీ కుట్ర??

దిశ, వెబ్ డెస్క్: స్వాతంత్య్ర వేడుకల నిర్వహణలో భాగంగా దేశంలో కట్టుదిట్టమైన భద్రతాచర్యలు చేపట్టింది రక్షణశాఖ. ఈ నేపథ్యంలో అస్సోంలో భారీగా నిల్వ ఉంచిన పేలుడు పదార్ధాలను, ఆయుధాలను స్వాధీనం చేసుకుంది. ఇంటెలిజెన్స్ సమాచారంతో గురువారం వాటిని దాచిన చోటుకు పోలీసులు చేరుకున్నారు.

భూమిలో పాతిపెట్టిన ఏకే-47, ఏకే-56, ఎం-16 తుపాకులు, పిస్టల్స్, గ్రెనేడ్లు, డిటొనేటర్ క్యాప్స్, తూటాలతోపాటు 20 కేజీల పేలుడు పదార్ధాలను స్వాధీనం చేసుకున్నారు. స్వాతంత్య్ర దినోత్సవం ముందు ఇవి దొరకడంతో రక్షణ శాఖలో కలవరం మొదలైంది. వేడుకలను నాశనం చేయడానికి చూస్తున్న మూకల పనిగా భావిస్తోన్న పోలీసులు ఆ దిశగా విచారణ చేస్తున్నారు.