ముగ్గురు రష్యన్ మహిళలతో అఫైర్స్.. విచారణలో బిల్‌గేట్స్ షాకింగ్ నిజాలు

దిశ, వెబ్‌డెస్క్: మైక్రోసాఫ్ట్ సహ వ్యవస్థాపకుడు, అపర కుబేరుడు బిల్‌గేట్స్ (Bill Gates) చుట్టూ మళ్లీ వివాదాలు ముసుకున్నాయి. అమెరికా హౌస్ ఓవర్‌సైట్ కమిటీ విచారణకు సంబంధించిన అధికారిక పత్రాల ప్రకారం.. గతంలో ముగ్గురు రష్యన్ (Russian) మహిళలతో తనకు ఉన్న వివాహేతర సంబంధాల గురించి బిల్ గేట్స్ స్వయంగా అంగీకరించారు. అంతేకాదు, ఈ సంబంధాల ఆధారంగానే జెఫ్రీ ఎప్‌స్టీన్ తనను బ్లాక్‌మెయిల్ చేయడానికి తీవ్రంగా ప్రయత్నించాడని గేట్స్ విచారణలో వెల్లడించారు.

ఆ ముగ్గురు మహిళలు ఎవరంటే..

అమెరికా న్యాయ శాఖ విడుదల చేసిన నివేదికల ప్రకారం.. బిల్ గేట్స్‌తో సంబంధాలు ఉన్నట్లు పేర్కొన్న ముగ్గురు రష్యన్ మహిళల్లో మిలా ఆంటోనోవా (Mila Antonova) ఉన్నారు. ఈమె ఒక బ్రిడ్జ్ ప్లేయర్ కాగా 2010 ప్రాంతంలో బిల్ గేట్స్ ఈమెను కలిశారు. ఆంటోనోవా సాఫ్ట్‌వేర్ కోడింగ్ నేర్చుకోవడానికి అవసరమైన ఫీజును జెఫ్రీ ఎప్‌స్టీన్ (Jeffrey Epstein) చెల్లించాడు. ఆ తర్వాత ఇదే విషయాన్ని చూపిస్తూ ఎప్‌స్టీన్ తనను బెదిరించాడని గేట్స్ పేర్కొన్నారు. రెండో మహిళ కరిమా నిగ్మతులీనా (Karima Nigmatulina) రష్యన్ సంతతికి చెందిన ఈమె ఓ ప్రసిద్ధ గణిత శాస్త్రవేత్త, మేనేజ్‌మెంట్ ఎక్స్‌పర్ట్. బిల్ గేట్స్ ఫౌండేషన్‌తో ముడిపడిన కొన్ని ప్రాజెక్టులలో ఈమె పనిచేసింది. ఇక మూడో మహిళ అలిస్ జాకబ్స్ నెస్సెల్‌రోడ్ (Alice Jacobs Nesselrodt)కూడా ఉన్నారు. బిల్‌గేట్స్ తన భార్య మెలిండా గేట్స్‌తో కలిసి ఉన్న సమయంలోనే ఈ సంబంధాలు నడిచినట్లుగా వెల్లడైంది. ఎప్‌స్టీన్ స్థాపించిన ఓ భారీ చారిటీ ఫండ్‌లో బిల్‌గేట్స్ పార్ట్‌నర్‌గా చేరాలని ఎప్‌స్టీన్ ఒత్తిడి తెచ్చాడు. అందుకు బిల్‌గేట్స్ నిరాకరించడంతో, మిలా ఆంటోనోవా ట్యూషన్ ఫీజు తానే కట్టాననే విషయాన్ని గుర్తు చేస్తూ.. ‘నీ రహస్యాలన్నీ బయటపెడతా’అనే అర్థం వచ్చేలా ఎప్‌స్టీన్ 2013లో బిల్‌గేట్స్‌కు ఒక ఈమెయిల్ పంపాడు.