‘ధురంధర్’ సినిమాకు రివ్యూ ఇచ్చిన ఆర్జీవీ.. దర్శకులంతా ఈ విషయాలు నేర్చుకోవాలంటూ షాకింగ్ ట్వీట్
రణ్వీర్ సింగ్(Ranveer Singh), ఆదిత్య ధర్ (Aditya Dhar)కాంబోలో వచ్చిన ‘ధురంధర్’ మూవీ సూపర్ హిట్గా నిలిచింది.
దిశ, సినిమా: రణ్వీర్ సింగ్(Ranveer Singh), ఆదిత్య ధర్ (Aditya Dhar)కాంబోలో వచ్చిన ‘ధురంధర్’ మూవీ సూపర్ హిట్గా నిలిచింది. బాక్సాఫీసు వద్ద కాసుల వర్షం కురిపిస్తూ.. సినీ ప్రముఖుల ప్రశంసలు పొందుతోంది. తాజాగా, వివాదాస్పద డైరెక్టర్ ఆర్జీవీ (RGV)‘ధురంధర్’పై షాకింగ్ పోస్ట్ పెట్టారు.‘‘ధూరంధర్ ఒక సినిమా కాదు, ఇది భారతీయ సినిమాలో ఒక క్వాంటం లీప్. ఆదిత్యధర్ఫిల్మ్స్ ఉత్తర, దక్షిణ భారతీయ సినిమా అనే తేడా లేకుండా, భారతీయ సినిమా భవిష్యత్తును పూర్తిగా, ఏకపక్షంగా మార్చేశారని నేను నమ్ముతున్నాను. ధురంధర్ సాధించింది కేవలం భారీతనం మాత్రమే కాదు, కంటికి కనిపించే విషయంలోనే కాకుండా, మనసులో కూడా ఇంతకు ముందెన్నడూ అనుభవించని ఒక దృక్పథం.ఈ సినిమాలో నటనలు నచ్చడం కోసం రూపొందించబడలేదు, కానీ మనం థియేటర్ నుండి బయటకు వెళ్ళిన చాలా కాలం తర్వాత కూడా గుర్తుండిపోయేలా రూపొందించబడ్డాయి.
పాత్రలు తమ భుజాలపై చరిత్రను మోసుకుంటూ ప్రవేశిస్తాయి. ‘ధురంధర్’ను భారతీయ సినిమాకు ఒక మలుపుగా నిలబెడుతుంది.ధురంధర్లో ప్రతి ఫ్రేమ్ వెనుక ఉన్న విజువల్ థింకింగ్ వేరే లెవల్. సీన్ కట్టింగ్, మ్యూజిక్, ఎమోషనల్ కంట్రోల్.. ఇవన్నీ ఆడియెన్స్ను సీట్ ఎడ్జ్ వద్ద ఉంచుతాయి.ధురంధర్ను చూసిన తర్వాతే నిజమైన భారీ సినిమా అంటే ఏమిటో అర్థమవుతుంది. బడ్జెట్ పెడితే గ్రాండ్గా మారదు.. బ్రెయిన్ పెడితేనే గ్రేట్గా మారుతుంది. ఆదిత్య ధర్ అదే చేశారు.రణ్వీర్ ఒక క్యారెక్టర్ కాకుండా.. ఒక్క రూపంలో అనేక ఆలోచనలు చూపించాడు. అతని కళ్లు ఒక్క మాట లేకుండా ఎమోషన్ను డెలివర్ చేశాయి’’ అని రాసుకొచ్చారు. అలాగే దర్శకులంతా ఈ 9 విషయాలు నేర్చుకోవాలని పెద్ద లిస్ట్ షేర్ చేశాడు. ప్రజెంట్ ఈ రెండు పోస్టులు సోషల్ మీడియాలో హాట్ టాపిక్గా మారాయి. link
