కొంచెం భయంగా ఉన్నా, ఎంతో ఎగ్జైటింగ్గా ఉంది.. హాలీవుడ్ ఎంట్రీపై దిశా పటాని ఆసక్తికర కామెంట్స్
మొదటి హాలీవుడ్ సినిమా అంటే కొంచెం భయంగా ఉన్నా, ఎంతో ఎగ్జైటింగ్గా ఉంది. ఇంత పెద్ద నటీనటులతో కలిసి పని చేయడం నాకు ఒక గొప్ప పాఠంలా అనిపించింది.
దిశ, సినిమా: బాలీవుడ్ గ్లామర్ బ్యూటీ దిశా పటానీ, ఇప్పుడు గ్లోబల్ స్టేజ్ మీద తన సత్తా చాటడానికి సిద్ధమైపోయింది. ఆమె నటిస్తున్న మొదటి హాలీవుడ్ చిత్రం 'ది పోర్టల్ ఆఫ్ ఫోర్స్' ట్రైలర్ తాజాగా విడుదలై సోషల్ మీడియాలో సెన్సేషన్ క్రియేట్ చేస్తోంది. ఈ సినిమాలో దిశా తన మునుపెన్నడూ చూడని అత్యంత పవర్ఫుల్, యాక్షన్ అవతారంలో కనిపిస్తోంది. ఈ అంతర్జాతీయ ప్రాజెక్ట్లో దిశా పటానీ 'జెసికా' అనే కీలక పాత్రను పోషిస్తోందట. స్టాటిగార్డ్స్, హోలీగార్డ్స్ అనే రెండు పురాతన వర్గాల మధ్య జరిగే అద్భుత శక్తుల పోరాటమే ఈ సినిమా కథ. ఇందులో జెసికా పాత్ర కేవలం గ్లామర్ కోసమే కాకుండా, కథ మొత్తానికి కేంద్ర బిందువుగా ఉండబోతోంది. శత్రువులైన ఇద్దరు నాయకులకు పుట్టిన కూతురు కావడంతో, రెండు ప్రపంచాలను కలిపే వారధిలా ఆమె కనిపిస్తుందని తెలుస్తోంది. మానవాళి భవిష్యత్తును నిర్ణయించే శక్తి ఆమె దగ్గరే ఉంటుందని టాక్.
ఈ సినిమాలో కేవిన్ స్పేసీ, డాల్ఫ్ లండ్గ్రెన్, టైరీస్ గిబ్సన్ వంటి హాలీవుడ్ స్టార్ నటులు ఉన్నప్పటికీ, దిశా తనదైన స్క్రీన్ ప్రెజెన్స్తో అందరినీ ఆశ్చర్యపరిచింది. ట్రైలర్లో ఆమె చేసిన హై-వోల్టేజ్ పోరాట ఘట్టాలు చూస్తుంటే, యాక్షన్ సీక్వెన్స్లను ఆమె ఎంత సహజంగా చేసిందో అర్థమవుతోంది. ఇందులో దిశా తన విశ్వరూపం చూపించబోతోంది. ఇక తన హాలీవుడ్ ఎంట్రీ గురించి దిశా మాట్లాడుతూ.. "ఈ అంతర్జాతీయ ప్రాజెక్ట్ కోసం నేను ఎంతో ఆతృతగా ఎదురుచూస్తున్నాను. మొదటి హాలీవుడ్ సినిమా అంటే కొంచెం భయంగా ఉన్నా, ఎంతో ఎగ్జైటింగ్గా ఉంది. ఇంత పెద్ద నటీనటులతో కలిసి పని చేయడం నాకు ఒక గొప్ప పాఠంలా అనిపించింది. కథలు చెప్పడానికి భాష లేదా భౌగోళిక సరిహద్దులు అడ్డంకి కావని నేను అర్థం చేసుకున్నాను. మన దేశంలో నేర్చుకున్న యాక్షన్ విద్యను గ్లోబల్ ప్లాట్ఫామ్ మీద చూపించడం నాకు ఎంతో గర్వంగా ఉంది" అని సంతోషం వ్యక్తం చేశారు.
