అమ్మాయిలారా రెడీనా.. సంగీత్ ప్లేలిస్ట్ అప్గ్రేడ్ చేసేందుకు వచ్చేస్తున్న ఫరియా అబ్దుల్లా!
‘గాయపడ్డ సింహం’ విడుదల తేదీ దగ్గర పడుతుండటంతో చిత్రబృందం ప్రమోషన్ల వేగాన్ని పెంచింది. అందులో భాగంగానే మ్యూజికల్ జర్నీని ప్రారంభిస్తూ మొదటి పాట అప్డేట్ను ఇచ్చారు.
దిశ, సినిమా: టాలీవుడ్ సెన్సేషనల్ డైరెక్టర్, నటుడు తరుణ్ భాస్కర్ ప్రధాన పాత్రలో నటిస్తున్న లేటెస్ట్ క్రేజీ ప్రాజెక్ట్ ‘గాయపడ్డ సింహం’. విలక్షణమైన కథాంశంతో దర్శకుడు కశ్యప్ శ్రీనివాస్ ఈ చిత్రాన్ని తెరకెక్కిస్తున్నారు. ఈ సినిమాలో తరుణ్ భాస్కర్ సరసన ‘జాతి రత్నాలు’ ఫేమ్ ఫరియా అబ్దుల్లా హీరోయిన్గా నటిస్తోంది. వీరిద్దరి కాంబినేషన్ అనౌన్స్ చేసినప్పటి నుండే మూవీపై ప్రేక్షకుల్లో భారీ అంచనాలు నెలకొన్నాయి. ఈ సినిమా కథాంశం చాలా ఆసక్తికరంగా ఉండబోతోందని సమాచారం. ప్రస్తుత యువత ఎదుర్కొంటున్న అమెరికా వీసా కష్టాలు, ఆ క్రమంలో తలెత్తే సమస్యలు, యువతలో వచ్చే ఆగ్రహం వంటి అంశాలతో ఒక పక్కా క్రైమ్ కామెడీ ఎంటర్టైనర్గా దీనిని రూపొందిస్తున్నారు. సమాజంలోని సీరియస్ సమస్యను కామెడీ జోడించి చెప్పబోతుండటం విశేషం. ప్రస్తుతం షూటింగ్ పనులు శరవేగంగా జరుపుకుంటున్న ఈ చిత్రాన్ని సమ్మర్ కానుకగా మే 1న ప్రపంచవ్యాప్తంగా థియేటర్లలో విడుదల చేయనున్నట్లు చిత్ర యూనిట్ అధికారికంగా ప్రకటించింది.
విడుదల తేదీ దగ్గర పడుతుండటంతో చిత్రబృందం ప్రమోషన్ల వేగాన్ని పెంచింది. అందులో భాగంగానే మ్యూజికల్ జర్నీని ప్రారంభిస్తూ మొదటి పాట అప్డేట్ను ఇచ్చారు. ఈ సినిమాలోని ‘బ్రైడ్ సాంగ్’ ఏప్రిల్ 1వ తేదీ సాయంత్రం 6 గంటలకు విడుదల కాబోతోందని ప్రకటించారు. ఈ సందర్భంగా విడుదల చేసిన పోస్టర్లో ఫరియా అబ్దుల్లా వేసిన మాస్ స్టెప్ అందరినీ ఆకట్టుకుంటోంది. దీనికి చిత్ర యూనిట్ ఇంట్రెస్టింగ్ క్యాప్షన్ కూడా ఇచ్చింది. "అమ్మాయిలారా, సిద్ధంగా ఉండండి... మీ సంగీత్ ప్లేలిస్ట్ ఇప్పుడు అప్గ్రేడ్ కాబోతోంది" అంటూ మూవీ మేకర్స్ వెల్లడించారు. ఈ పాట యూత్కు, పెళ్లిళ్ల సీజన్లో సంగీత్ వేడుకలకు మంచి కిక్ ఇస్తుందని చిత్ర యూనిట్ ధీమా వ్యక్తం చేస్తోంది. తరుణ్ భాస్కర్ నటన, ఫరియా ఎనర్జీ ఈ సినిమాకు ప్రధాన ఆకర్షణగా నిలవనున్నాయి.
