మరోసారి డైరెక్టర్ గా ధనుష్
దిశ, వెబ్డెస్క్ : కోలీవుడ్ స్టార్ హీరో ధనుష్ మరోసారి డైరెక్టర్ అవతారమెత్తనున్నారు. ఈయన ప్రస్తుతం కెప్టెన్ మిల్లర్ చిత్రంలో నటిస్తున్నారు. ఇటీవల ఈ మూవీ నుంచి విడుదలైన ఫస్ట్ లుక్ అందరినీ ఆకట్టుకుంది. ఈయన 50వ చిత్రంలో నటించనున్నాడు. దీనికి D50 అని ప్రస్తుతానికి పేరు పెట్టారు. ఈమేరకు స్వయంగా ఆయనే సోషల్ మీడియాకు సమాచారం ఇచ్చారు. ఈయన తమిళం, తెలుగు, హిందీ, ఇంగ్లీష్ భాషల్లో నటిస్తూ అభిమానులను సంపాదించుకున్నారు. ఇటీవలే తెలుగులో సార్ మూవీతో మొదటిసారిగా స్ట్రెయిట్ ఫిల్మ్ చేశారు. అది చాలా పెద్ద హిట్ అయిన విషయం తెలిసిందే. తన 50వ సినిమాను తానే స్వయంగా డైరెక్ట్ చేయనున్నాడు.
ఈ చిత్రాన్ని సన్ పిక్చర్స్ నిర్మించనుంది. ఇది ధనుష్‌కు దర్శకుడిగా రెండో సినిమా. ఈయన దర్శకత్వం వహించిన మొదటి సినిమా ప పాండి. కాగా తన 50వ చిత్రం ముగ్గురు అన్నదమ్ముల జీవితాల చుట్టూ తిరుగుతుందని ధనుష్ తెలిపాడు. ఆయనతో పాటు విష్ణు విశాల్, ఎస్‌జే సూర్య నటిస్తున్నారు. ఈ కథ గ్యాంగ్‌స్టర్ నేపథ్యంలో సాగనుంది. ఈయన దర్శకత్వం వహించిన మొదటి సినిమా కమర్షియల్గా హిట్ కావడంతో రెండో సినిమాపై అంచనాలు పెరిగిపోయాయి. ఈ సినిమా ఎలా ఉంటుందో అని ఈయన అభిమానుల్లో ఉత్కంఠ నెలకొంది. అలాగే తెలుగులో శేఖర్ కమ్ములతో ఒక సినిమాకు కమిట్ అయ్యాడని కూడా ప్రచారం అవుతుంది. త్వరలోనే ఈ సినిమా కూడా పట్టాలెక్కనున్నదని సమాచారం.
Read More: ఆ హౌలే గాళ్లందరిని మస్తు చితకొట్టాలనిపిస్తుంది: స్టార్ డైరెక్టర్ సంచలన కామెంట్స్
