కాజల్ అగర్వాల్ హాట్ ఫొటోలకు బెల్లంకొండ సాయి శ్రీనివాస్ ఫిదా.. క్రేజీ కామెంట్తో నెట్టింట ట్రోల్స్
కాజల్ ఫోటోలపై స్వయంగా కొత్త పెళ్లికొడుకు బెల్లంకొండ సాయి శ్రీనివాస్ స్పందించడం ఇప్పుడు ఇంటర్నెట్లో పెద్ద చర్చకు దారితీసింది.
దిశ, సినిమా: టాలీవుడ్ చందమామ కాజల్ అగర్వాల్ సెకండ్ ఇన్నింగ్స్లోనూ తన జోరును ఏమాత్రం తగ్గించడం లేదు. పెళ్లై, ఒక బాబు పుట్టిన తర్వాత కూడా తన గ్లామర్ అండ్ పర్ఫార్మెన్స్తో వరుస అవకాశాలు దక్కించుకుంటూ ఇండస్ట్రీని షేక్ చేస్తోంది. ప్రస్తుతం ఆమె చేతిలో రామాయణ, ది ఇండియా స్టోరీ, తథాస్తు, బాలకృష్ణ సరసన 'NBK-111' వంటి భారీ ప్రాజెక్టులు ఉన్నాయి. ఎంత బిజీగా ఉన్నా సోషల్ మీడియా ద్వారా తన పర్సనల్ లైఫ్ అప్డేట్స్ ఇస్తూ అభిమానులకు టచ్లో ఉంటోంది కాజల్. తాజాగా, ఆమె తన సన్నిహితుడు, యంగ్ హీరో బెల్లంకొండ సాయి శ్రీనివాస్ వెడ్డింగ్ రిసెప్షన్లో పాల్గొని ప్రత్యేక ఆకర్షణగా నిలిచింది.యంగ్ హీరో బెల్లంకొండ సాయి శ్రీనివాస్ ఇటీవల తన ప్రియురాలు కావ్యతో కలిసి తిరుపతిలో అత్యంత వైభవంగా వివాహం చేసుకున్న సంగతి తెలిసిందే. తిరుపతిలో పెళ్లి కావడంతో సెలబ్రిటీలు అందరూ హాజరు కాలేకపోయారు. అందుకే హైదరాబాద్లో ఘనంగా రిసెప్షన్ ఏర్పాటు చేశారు. ఈ వేడుకకు టాలీవుడ్ ప్రముఖులంతా తరలివచ్చారు. అయితే అందరిలోనూ కాజల్ అగర్వాల్ తన ట్రెండీ లుక్తో హైలైట్గా నిలిచింది.
ఆమె తన అందచందాలతో వేడుకలో మెరిసిపోవడమే కాకుండా, ఆ ఫోటోలను ఇన్స్టాగ్రామ్లో షేర్ చేసింది. అయితే, ఈ ఫోటోలపై స్వయంగా పెళ్లికొడుకు బెల్లంకొండ సాయి శ్రీనివాస్ స్పందించడం ఇప్పుడు ఇంటర్నెట్లో పెద్ద చర్చకు దారితీసింది. కాజల్ ఫోటోల కింద "నాకు ఇష్టమైనది.. ఎప్పటిలాగే అద్భుతంగా ఉంది" అంటూ ఒక క్రేజీ కామెంట్ చేశాడు. గతంలో వీరిద్దరూ కలిసి కవచం, సీత వంటి సినిమాల్లో నటించారు. అప్పటి నుంచే వీరిద్దరి మధ్య మంచి స్నేహం ఉంది. ఆ చనువుతోనే శ్రీనివాస్ ఇలా సరదాగా కామెంట్ చేసినట్లు కనిపిస్తోంది. కానీ, నెటిజన్లు మాత్రం దీన్ని వదిలిపెట్టడం లేదు. శ్రీనివాస్ కామెంట్పై నెటిజన్లు రకరకాలుగా సెటైర్లు వేస్తున్నారు. "బ్రదర్.. ఇప్పుడే కదా పెళ్లి అయ్యింది, అప్పుడే వేరే హీరోయిన్ల ఫోటోలపై ఇలాంటి కామెంట్లేంటి?" అని కొందరు ఆటపట్టిస్తుంటే.. మరికొందరు మాత్రం ఆయన పాత సినిమా డైలాగ్ను గుర్తు చేస్తూ "నిప్పు లాంటి భార్య పక్కన ఉంది.. జాగ్రత్త శ్రీనివాస్!" అంటూ మీమ్స్తో రచ్చ చేస్తున్నారు. తన భార్యను నిప్పు అని పిలుచుకున్న శ్రీనివాస్, ఇప్పుడు కాజల్ ఫోటోపై ఇలా కామెంట్ చేయడం చర్చకు దారితీస్తోంది.
