అనుష్క శెట్టి ‘కథనార్’ ట్రైలర్ చూస్తే మైండ్ బ్లాక్ అవ్వాల్సిందే!

దిశ, సినిమా: టాలీవుడ్ స్టార్ హీరోయిన్ అనుష్క శెట్టి కొంత బ్రేక్ తర్వాత మళ్ళీ వెండితెరపై తన విశ్వరూపాన్ని చూపించడానికి సిద్ధమయ్యారు. స్వీటీ ప్రధాన పాత్రలో నటిస్తున్న భారీ ఫాంటసీ ఎంటర్టైనర్ ‘కథనార్: ద వైల్డ్ సోర్సెరర్’. మలయాళ వెర్సటైల్ నటుడు జయసూర్య హీరోగా నటిస్తున్న ఈ చిత్రానికి, టాలెంటెడ్ దర్శకుడు రోజిన్ థామస్ దర్శకత్వం వహిస్తున్నారు. శ్రీగోకులం మూవీస్ బ్యానర్‌పై ఎక్కడా రాజీ పడకుండా అత్యంత భారీ బడ్జెట్‌తో ఈ విజువల్ వండర్‌ను నిర్మిస్తున్నారు. తాజాగా, ఈ సినిమాకు సంబంధించిన ట్రైలర్‌ను చిత్ర యూనిట్ విడుదల చేయగా, అది సోషల్ మీడియాలో సెన్సేషన్ క్రియేట్ చేస్తోంది. అంతుచిక్కని రహస్యాలు, అద్భుతమైన విజువల్స్, ఆసక్తికరమైన కథాంశంతో సాగే ఈ ట్రైలర్ ప్రేక్షకులను ఒక సరికొత్త కల్పిత ప్రపంచంలోకి తీసుకెళ్తోంది. ముఖ్యంగా ఈ మూవీలో వాడిన సినిమాటోగ్రఫీ అత్యంత సహజంగా ఉండి, సినిమా స్థాయిని హాలీవుడ్ రేంజ్‌కు తీసుకెళ్లింది.

ఈ ఫాంటసీ ప్రపంచాన్ని సృష్టించడం కోసం చిత్ర బృందం పడిన కష్టం ప్రతి ఫ్రేమ్‌లోనూ స్పష్టంగా కనిపిస్తోంది. ప్రేక్షకుల్లో అసలు స్టోరీ ఎంతో తెలుసుకోవాలనే క్యూరియాసిటీ పెరిగిపోయింది. ఇక అనుష్క శెట్టి గతంలో ‘అరుంధతి’, ‘భాగమతి’ వంటి సినిమాలతో ప్రేక్షకులను ఎలాగైతే మంత్రముగ్ధులను చేశారో, అదే తరహాలో ‘కథనార్’లో కూడా ఆమె పాత్ర ఎంతో పవర్‌ఫుల్‌గా ఉండబోతోందని ట్రైలర్ చూస్తుంటే అర్థమవుతోంది. కేరళ జానపద కథల ఆధారంగా రూపొందుతున్న ఈ చిత్రం, కేవలం మలయాళంలోనే కాకుండా తెలుగుతో పాటు పలు భారతీయ భాషల్లో భారీ ఎత్తున విడుదల కానుంది. చాలా కాలం తర్వాత అనుష్కను ఇలాంటి ఒక విభిన్నమైన పాత్రలో చూడబోతుండటంతో ఆమె అభిమానుల ఆనందానికి అవధులు లేవు.