‘666 ఆపరేషన్ డ్రీమ్ థియేటర్’ మూవీ నుంచి అదిరిపోయే అప్డేట్.. రా ఏజెంట్ కావేరిగా ఎంట్రీ!
తాజాగా, ఈ మూవీలోని ఒక కీలక పాత్రకు సంబంధించిన ఫస్ట్ లుక్ను విడుదల చేసి ప్రేక్షకులను ఆశ్చర్యపరిచారు.
దిశ,సినిమా: కన్నడ కంఠీరవ, హ్యాట్రిక్ హీరో శివరాజ్ కుమార్, టాలెంటెడ్ డైరెక్టర్ హేమంత్ రావు కాంబోలో తెరకెక్కుతున్న మోస్ట్ అవైటెడ్ మూవీ ‘666 ఆపరేషన్ డ్రీమ్ థియేటర్’. భారీ అంచనాల మధ్య రూపొందుతున్న ఈ చిత్రం నుంచి వరుస అప్డేట్లను విడుదల చేస్తూ సినిమాపై క్యూరియాసిటీని పెంచుతోంది. తాజాగా, ఈ మూవీలోని ఒక కీలక పాత్రకు సంబంధించిన ఫస్ట్ లుక్ను విడుదల చేసి ప్రేక్షకులను ఆశ్చర్యపరిచారు. తమిళ చిత్రం ‘అరువి’తో నటిగా ఫుల్ ఫేమ్ తెచ్చుకున్న నటి అదితి బాలన్, ఈ చిత్రంలో ఒక పవర్ఫుల్ పాత్రలో నటిస్తోంది. ఆమెకు సంబంధించిన ఫస్ట్ లుక్ పోస్టర్ను మేకర్స్ విడుదల చేశారు. ఈ సినిమాలో అదితి బాలన్ ‘కావేరి’ అనే రా ఏజెంట్ (RAW Agent) పాత్రలో కనిపిస్తోంది.
చేతిలో పెద్ద గన్, మరో చేతిలో వాకీటాకీ పట్టుకుని చాలా సీరియస్ లుక్లో ఉన్న అదితిని చూస్తుంటే, సినిమాలో ఆమె పాత్ర చాలా ఇంపాక్ట్ఫుల్గా ఉంటుందని అర్థమవుతోంది. ఈ లుక్ ఇప్పుడు సోషల్ మీడియాలో సెన్సేషన్గా మారింది. శివరాజ్ కుమార్ హీరోగా నటిస్తున్న ఈ చిత్రంలో పాపులర్ నటుడు డాలీ ధనుంజయ ఒక కీలక పాత్రలో నటిస్తున్నారు. అలాగే, క్రేజీ బ్యూటీ ప్రియాంక మోహనన్ హీరోయిన్గా తన వంతు మెరుపులు మెరిపించనుంది. జె. ఫిల్మ్స్ బ్యానర్పై వైశాక్ గౌడ్ అత్యంత ప్రతిష్టాత్మకంగా ఈ సినిమాను నిర్మిస్తున్నారు. హేమంత్ రావు తనదైన శైలిలో వైవిధ్యమైన కథనంతో ఈ స్పై థ్రిల్లర్ను తీర్చిదిద్దుతున్నారు. ప్రస్తుతం ఈ సినిమా షూటింగ్ శరవేగంగా జరుగుతోంది. యాక్షన్, సస్పెన్స్ ఎలిమెంట్స్తో కూడిన ఈ సినిమాకు ‘666 ఆపరేషన్ డ్రీమ్ థియేటర్’ అనే టైటిల్ పెట్టడం సినీ ప్రియుల్లో ఆసక్తిని రేకెత్తిస్తోంది.
