మేడే..!

నెత్తురు చిందించి

నింగిన ఎగిరేసిన జెండానే మేడే

శ్రమ విముక్తి రాగంగా

ఆలాపన చేస్తున్న

పీడిత పక్షపాతి ఈ మేడే..!

చికాగో నగరం మీదుగా

వీచిన పోరు గాలి

భారత నేలలోని

బొంబాయి కాన్పూరు

కలకత్తాలను ఏకం చేసి

రోడ్ల మీద నినదించిన

కోట్లాది శ్రామిక జన స్వరమే

ఈ మేడే…!

స్వేచ్ఛా స్వాతంత్రాలకై

సమరశీల పోరాటాలను

సాగించిన కార్మికోద్యమం

పనిగంటల తగ్గింపులో

శ్రమకు తగ్గ వేతనం దక్కాలని

చాటినదే ఈ మేడే..!

-వంగల సంతోష్

95737 86539