సముద్రం

సముద్రం నిత్య చైతన్యం

నిరంతర చలనం!

అసంఖ్యాక నీటి బిందువులు

సంఘటితమై సమరోత్సాహంతో

కెరటాలై ఉవ్వెత్తున ఎగసిపడే తీరు

ఆటుపోట్ల అలజడితో

సాగర ఘర్జన హోరు

ఉత్తేజం నింపవా?

స్పూర్తిని రగిలించవా?!

అలుపెరగక అలలు ఉప్పొంగితే

విరామమెరుగక ముందుకు సాగితే

తీరాన్ని తాకితే లక్ష్యాన్ని చేరితే

గెలుపు పాట వినిపించదా?

సంకల్ప బలం చాటదా!

నిశ్చల కడలి నిగ్రహమొదిలి

కన్నెర్రజేస్తే, ఉగ్రరూపం దాలిస్తే

పోటెత్తదా, హోరెత్తదా

ఉప్పెనై ముంచెత్తదా?!

ధవళేశ్వరపు రవికుమార్

98487 12197