చేజారనివ్వకు

ఏది చేజారనివ్వకు

అంగడిలో కొన్న వస్తువునైనా

అందరిలో కోరుకున్న జీవితానైనా

చాలా మంది

ఒక వస్తువును కొనాలంటే

ఎన్నో రకాలుగా ఆలోచిస్తారు

మరెన్నో విధాలుగా విచారిస్తారు

అయినా ఆ వస్తువును చేజిక్కించుకొని

సొంతం చేసుకోవడానికి

వెనుకాడుతారు

విచారణలో

ఎంతో నాణ్యమైనదని తెలిసినా

అనుక్షణం అనుమానపడతారు

అనుమానం పెరిగేకొద్దీ

నాణ్యమైనది కూడా

నాసిరకంగా కనిపిస్తుంది

చివరకు దాన్ని తన చేజేతులా

నాశనం చేసుకుంటారు

అప్పటి వరకు

ఆ వస్తువు విలువ తెలియదు

తెలిసొచ్చే సమయానికి

అది చేతి నుండి జారిపోతుంది

అప్పుడు ఎంత ఏడ్చినా తిరిగి రాదు

కోల్పోయామని

కుమిలిపోవడం తప్ప

అందుకే ఏది చేజారనివ్వకు...

- ఎనుపోతుల వెంకటేష్

95733 18401