మీకు నమ్మక ద్రోహం చేశారా? సెకండ్ చాన్స్ ఇవ్వొచ్చా? ఈ స్టోరీ చదివి నిర్ణయించుకోండి..

దిశ, ఫీచర్స్ : భాగస్వామి.. స్నేహితుడు.. సహోద్యోగి.. మీరు బాగా విశ్వసించిన వ్యక్తి.. ఇలా ఎవరైనా సరే మీ నమ్మకాన్ని వమ్ము చేస్తే మీ గుండెలో లోతైన బాధ కలుగుతుంది. ఇలా ఎలా చేయగలిగారనే వేదన మొదలవుతుంది. ఎందుకంటే మన జీవితం మనం నిర్మించుకునే బంధాల ద్వారానే రూపొందించబడింది. అవి తెంచుకునే స్థితికి వచ్చినప్పుడు.. మన గుర్తింపుకే పెద్ద దెబ్బలా అనిపిస్తుంది. కానీ ఇలా నమ్మకద్రోహం జరిగినప్పుడు.. మిమ్మల్ని అంతగా బాధపెట్టినప్పుడు.. జీవితం అక్కడే ఆగిపోతుందా లేదు కదా. ఆ బాధను అలాగే శాశ్వతంగా మోస్తారా? లేక ఆ సంఘటన ద్వారా నేర్చుకోవాల్సిన పాఠం నేర్చుకుని ముందుకు సాగుతూ ఎదుగుతారా? ఈ రెండిటిలో ఏది చూజ్ చేసుకుంటారనేది మీ జ్ఞానం డిసైడ్ చేస్తుంది. కానీ పురాణ గ్రంథం భగద్గీత ఏం చెప్తుందంటే?

1. వాస్తవికత

మీరు గాయాన్ని మరచిపోవాలని, అసలు ద్రోహం జరగనట్లుగానే ఉండాలని ఎవరూ చెప్పరు. ఎందుకంటే ద్రోహం.. మన నుంచి ప్రతిచర్యను కోరుతుంది. కానీ ఇక్కడ ఎలా స్పందించారనేది ముఖ్యం. అయితే మనందరికీ సులభమైన ఎంపిక ఆ బంధానికి అక్కడే ఎండ్ కార్ట్ పడేయడం, మళ్లీ నమ్మకపోవడం. మళ్లీ అలాంటి బాధను తట్టుకునే శక్తి లేదంటూ ఎప్పుడూ ఎవరినీ దగ్గరకు రానీయకపోవడం. కానీ దీనివల్ల నిజంగా జరుగుతుందేంటంటే.. మనం తయారు చేసుకున్న బోనులో మనల్ని మనమే బంధించుకోవడం. గీతలో కృష్ణుడు అర్జునుడికి.. మన ఎమోషన్స్, రియాక్షన్స్, పర్పస్ అర్థం చేసుకోవడం యొక్క ప్రాముఖ్యత గురించి ఈ విధంగా బోధించాడు. స్పష్టత, సమతుల్యత, అవగాహన అనేవి ఒక నిర్ణయం తీసుకోవడంలో కీలకపాత్ర పోషిస్తాయి. ద్రోహం విషయానికి వస్తే.. మీరు రియాక్ట్ కావాల్సిన పరిస్థితి నుంచి కాకుండా.. ఉద్దేశపూర్వకంగా, అధికారికంగా జీవితంలో ఎలా ముందుకు సాగాలో ఎంచుకోవాలి.

2. క్షమాపణ

క్షమించడం అనేది మీకు అన్యాయం చేసిన వ్యక్తికి ఇచ్చే బహుమతి కాదు. ఇది మీకు మీరే ఇచ్చుకునే బహుమతి. దీని అర్థం బాధ పెట్టినవారిని క్షమించడం లేదా వదిలేయడం కాదు. కృష్ణుడు అర్జునుడిని తన శత్రువులను క్షమించమని అడగడు.. కానీ మనల్ని బాధపెట్టినప్పుడు వారు కూడా వారి జీవితంలో పోరాడుతున్నారని గుర్తించమని, తక్షణ పరిస్థితిని మించి చూడమని కోరాడు. కోపం, ఆగ్రహం పెంచుకోవడం చివరికి మనకు మాత్రమే హాని చేస్తుందని చెప్పాడు. మీరు క్షమించినప్పుడు గతాన్ని వదులుకుంటారు. సొంత పరివర్తనకు స్థలం ఏర్పరచుకుంటారు. ఇది ద్రోహాన్ని క్షమించడం గురించి కాదు.. దానితో బంధించబడకూడదని ఎంచుకోవడం గురించి. ఈ పరిస్థితి నుంచి మిమ్మల్ని మీరు విడిపించుకోవడం గురించి.

3. వదిలివేయడం

నమ్మకద్రోహం చేసినా వదిలివేయండి.. అంటే దాని గురించి మీరు మర్చిపోవడం కాదు. కానీ ఆ ద్రోహం మీపై నియంత్రణ కలిగి ఉండటానికి మీరు అనుమతించడం మానేస్తారని దీని అర్థం. ఇతరుల చర్యల ఫలితాల నుంచి దూరంగా ఉండటమని తెలుసుకోవాలి. ఇది భావోద్వేగ పరిపక్వత. ద్రోహాన్ని వదిలించుకోవడం అంటే మీ భావాలను తోసిపుచ్చడం కాదు. గతాన్ని మార్చలేమని అర్థం చేసుకోవడం. మీరు బాధను తొలగించలేరు. కానీ అది మీ భవిష్యత్తును ఎలా రూపొందిస్తుందో తెలుసుకోగలరు. ఎలాంటి వారిని మీ లైఫ్‌లో ఉండనివ్వాలో నిర్ణయించుకోగలరు.

4. సెకండ్ చాన్స్

ఒకరికి రెండవ అవకాశం ఇవ్వడం బలహీనత కాదు బలం. మీరు క్షమించాలని ఎంచుకున్నప్పుడు.. మీరు ఎవరినైనా హుక్ నుండి బయటకు రానివ్వడం లేదు. సరిహద్దులను నిర్దేశిస్తున్నారు. గతం నుండి నేర్చుకుంటున్నారు. ఎదుగుదలకు అవకాశాన్ని ఇస్తున్నారు. మీతోపాటు అభివృద్ధి చెందగలరని పరిగణిస్తున్నారు. గీతలో కృష్ణుడి సందేశం అన్ని చర్యలను గమనించడం గురించి ఉంది. ఆయన ఉద్దేశం బేషరతుగా క్షమించమని కాదు.. కానీ పగను పెంచుకోవడం మనల్ని అక్కడే ఇరుక్కుపోయేలా చేస్తుందని.. పైకి ఎదగనివ్వదని హెచ్చరిస్తాడు.