సొంత‌గా ఐస్‌క్రీమ్ ఆర్డర్ ఇచ్చుకున్న కుక్క‌.. నెట్టింట ఎంత ముద్దో..!

దిశ‌, వెబ్‌డెస్క్ః కుక్కల వీడియోలు ఎంత ముద్దుగా ఉంటాయో జంతు ప్రియుల‌కు ప్ర‌త్యేకంగా చెప్పే అవ‌స‌రంలేదు. వాటిని చూడటం ఇష్టపడే వారైతే, మీకా అనే సూపర్ కుక్క క్యూట్ చ‌ర్య‌లు ఇప్ప‌టికే మీకు తెలిసి ఉండవచ్చు. ఈ సైబీరియన్ హస్కీ, కుక్కకు స్వంత ఇన్‌స్టాగ్రామ్ పేజీ కూడా ఉంది. ఈ అందమైన డాగ్ వైరైటీ సాహసాలను చూపించే వివిధ వీడియోలు త‌న ఇన్‌స్టా పేజీలో ఎంతోమందిని ఆక‌ర్షించాయి. ఇక‌, తాజాగా పంచుకున్న ఈ వీడియోలో, మీకా ముద్దుముద్దుగా ఐస్‌క్రీమ్ ఆర్డ‌ర్ చేయ‌డం కనిపించింది. తనంతట తానుగా ఒక షాపులో ఐస్ క్రీం ఆర్డర్ చేయ‌డాన్ని చూసి, జంతు ప్రేమికులైన‌ నెటిజ‌న్లు తెగ మురిసిపోతున్నారు. ఈ వీడియో పోస్ట్ చేసిన కొన్ని గంట‌ల్లోనే ప‌దుల వేలు దాటిన వ్యూవ్స్‌, షేరింగ్‌ల‌తో సోష‌ల్ మీడియాలో వైర‌ల్ అయ్యింది.