జీవితంలో స్త్రీని చూడని మనిషి.. 85 ఏళ్లలో ఆడ జంతువు వాసన కూడా తెలియదు

దిశ, ఫీచర్స్ : మిహైలో టోలోటోస్.. గ్రీక్ ఆర్థోడాక్స్ సన్యాసి.. తన 82 ఏళ్ల జీవితంలో ఏ ఒక్క మహిళను, కనీసం ఆడ జంతువును కూడా చూడలేదు. ఇందుకు కారణం.. మౌంట్ అథోస్ అనే మత సమాజం. మిహైలో 1856లో జన్మించగా.. అతను పుట్టిన కొన్ని గంటల్లోనే అనాథగా మారాడు. గ్రీస్‌లోని మౌంట్ అథోస్‌లోని ఒక మఠం సన్యాసులు అతన్ని స్వీకరించారు. దీంతో టోలోటోస్ తన జీవితమంతా ఆ కమ్యూనిటీని విడిచిపెట్టలేదు. బాహ్య ప్రపంచంతో సంబంధాలకు దూరంగా ఉన్నాడు.

మౌంట్ అథోస్ మత సమాజంలో మహిళలు, ఆడ జంతువులు పూర్తిగా నిషేధం. దీంతో ఆయన ఎన్నడూ మహిళను చూడలేదు. కారు, విమానం లాంటి ఆధునిక ఆవిష్కరణను కూడా చూడలేకపోయాడు. అతని జీవితం పూర్తిగా మతపరమైన భక్తి, మఠం యొక్క కఠిన నియమాలకు అంకితమైంది. చివరగా 1938లో టోలోటోస్ మరణించగా.. అక్కడి సన్యాసులు అతనికి ప్రత్యేక అంత్యక్రియలు నిర్వహించారు. చరిత్రలో ఎన్నడూ మహిళను చూడకుండా జీవించి, మరణించిన ఏకైక వ్యక్తిగా ప్రకటించారు.

కాగా మౌంట్ అథోస్ ఒక ఆధ్యాత్మిక స్వయం పరిపాలన ప్రాంతం. ఇక్కడ మహిళలు, మహిళా జంతువులు నిషిద్ధం. ఈ నియమం 10వ శతాబ్దం నుంచి అమలులో ఉంది. ఇది సన్యాసులకు ఆధ్యాత్మిక శుద్ధత, ఏకాగ్రతను నిర్వహించడానికి ఉద్దేశించబడింది. ఈ నిషేధం కారణంగానే టోలోటోస్ ఎన్నడూ మహిళను చూడకపోవడానికి కారణమైంది. అతను జన్మించినప్పటి నుంచి ఈ ఏకాంత సమాజంలో పెరిగాడు. బాహ్య ప్రపంచంతో సంబంధంలేని జీవనశైలితో జీవించి మరణించాడు. 19వ శతాబ్దంలో మౌంట్ అథోస్ బాహ్య ప్రపంచం నుంచి దాదాపు పూర్తిగా వేరుచేయబడింది. ఆధునిక సాంకేతికతలు, రవాణా సాధనాలు, సమాచార మాధ్యమాలు ఈ సమాజంలోకి వెళ్లలేకపోయాయి. టోలోటోస్ జీవితం 1856 నుండి 1938 వరకు కొనసాగింది. ఈ కాలంలో ఆధునిక ఆవిష్కరణలు (కార్లు, విమానాలు, రేడియోలు) బాహ్య ప్రపంచంలో వేగంగా వ్యాప్తి చెందాయి. కానీ మౌంట్ అథోస్ ఈ మార్పులకు దూరంగానే ఉంది.