రిలయన్స్ షోరూంలో అగ్ని ప్రమాదం

దిశ ఏపీ బ్యూరో: విజయవాడలోని రిలయన్స్ షోరూంలో అగ్నిప్రమాదం సంభవించింది. బెంజి సర్కిల్ సమీపంలోని రిలయన్స్ షోరూం మొదటి అంతస్తులో ఒక్కసారిగా మంటలు చెలరేగాయి. ఈ అంతస్తులో ఫుట్ వేర్ అమ్మకాలు, వస్త్ర్రాల విక్రయం జరుగుతుంటాయి. ఈ ఫ్లోర్‌లోనే కార్పొరేట్ ఆఫీసు కూడా ఉంది. అయితే, అగ్నిప్రమాదం జరగడంతో సగానికి పైగా పాదరక్షలు, బూట్లు మంటల్లో కాలిపోయాయి. ప్రమాదంపై సమాచారం అందుకున్న అగ్నిమాపక సిబ్బంది వెంటనే ఘటన స్థలానికి చేరుకుని సహాయక చర్యలకు ఉపక్రమించారు. షార్ట్ సర్క్యూట్ కారణంగానే ఈ ప్రమాదం జరిగివుంటుందని భావిస్తున్నారు. ఈ ఘటనపై పోలీసులు కేసు నమోదు చేసి దర్యాప్తు ప్రారంభించారు.