మంత్రివర్గ విస్తరణ.. అసంతృప్తులు చల్లారినట్లేనా?

కాంగ్రెస్‌లోని ఏడుగురు బీసీ ఎమ్మెల్యేలలో, ముగ్గురికి కేబినెట్ పదవులు దక్కాయి. ఇద్దరు చీఫ్ విప్‌గా నియమించబడ్డారు. మంత్రులలో, పొన్నం ప్రభాకర్ (గౌడ్) సామాజిక వర్గానికి చెందిన వారు. కొండా సురేఖ (పద్మశాలి) సామాజిక వర్గానికి చెందిన వారు. అలాగే వాకిటి శ్రీహరి (ముదిరాజ్ ) సామాజిక వర్గానికి చెందినవారు. కాంగ్రెస్ కమిటీ అధ్యక్షుడు ఎ. మహేష్ కుమార్ గౌడ్ బీసీ సామాజిక వర్గానికి చెందిన (గౌడ్). మంత్రివర్గంలోనే కాకుండా కీలక రాజకీయ పాత్రలలో కూడా బీసీలు ఎక్కువగా ప్రాతినిధ్యం వహిస్తున్నారు.

ఎస్సీల మధ్య సమతుల్యత..

మంత్రివర్గ విస్తరణ తర్వాత అదనంగా, వివేక్, లక్ష్మణ్ చేరికతో, మంత్రివర్గంలో (ఎస్సీ) నాయకుల సంఖ్య నాలుగుకు పెరిగింది. వారు (మాల) అలాగే (మాదిగ) ఉప సమూహాల మధ్య సమానంగా విభజించబడ్డారు. ఎస్సీ వర్గాల అంతర్గత విభేదాలు.. రాజకీయ సమీకరణాలను ప్రభావితం చేసిన రాష్ట్రంలో ఈ సమతుల్యత చాలా కీలకం. ముఖ్యంగా మాదిగ రిజర్వేషన్ పోరాట సమితి (మాల) సామాజిక వర్గానికి చెందిన ఉప ముఖ్యమంత్రి మల్లు భట్టి విక్రమార్క ఆర్థిక శాఖను నిర్వహిస్తుండగా, ఉప ముఖ్యమంత్రి దామోదర రాజ నరసింహ ఆరోగ్య శాఖను నిర్వహిస్తున్నారు..

ఈ నాయకుల్లో అసంతృప్తి జ్వాల..

తెలంగాణలో కులాల పరంగా ఈ ప్రగతిశీల దృక్పథం ఉన్నప్పటికీ, కాంగ్రెస్‌లో మొదటి నుంచీ జనాభా రిత్యా తక్కువ సంఖ్యలో ఉన్నప్పటికీ చరిత్రాత్మకంగా, ఆర్థికంగా అత్యంత ప్రభావవంతమైన మద్దతుకు నిలయమైన (రెడ్డి ) సామాజిక వర్గంలో ఈ మంత్రివర్గ విస్తరణ తీవ్రంగా అసంతృప్తిని రేకెత్తించింది. 119 మంది శాసనసభ సభ్యులున్న అసెంబ్లీలో, 43 మంది ఎమ్మెల్యేలు (రెడ్డి) సామాజిక వర్గానికి చెందినవారే కావడం గమనార్హం. కాంగ్రెస్‌లోని 64 మంది ఎమ్మెల్యేలలో 26 మంది (రెడ్డీ) సామాజిక వర్గానికి చెందినవారు.. బలమైన ఆర్థికంగా, రాజకీయంగా పలుకుబడి కలిగిన ఆశావహులు పదవి మినహాయించబడిన వారిలో ఉన్నారు.

ఇక్కడ సమతుల్యత చూపించి..

ఎన్నికలకు ముందు బీజేపీ నుండి తిరిగొచ్చి కాంగ్రెస్ అవకాశాలను పెంచడంలో కీలక పాత్ర పోషించిన రాజ్‌గోపాల్ రెడ్డి, ముఖ్యంగా తన రాజకీయ మిత్రుడు వివేక్ వెంకట్‌ స్వామిని మంత్రివర్గంలోకి తీసుకోవడం పట్ల తీవ్ర అసంతృప్తి వ్యక్తం చేశారు. బీఆర్ఎస్ నుండి రాజగోపాల్ రెడ్డి, వివేక్ వెంకటస్వామి, అలాగే పొంగులేటి శ్రీనివాస్ రెడ్డి దాదాపు అదే సమయంలో కాంగ్రెస్‌లో చేరినప్పుడు, బీఆర్ఎస్‌కి ప్రత్యామ్నాయం కాంగ్రెస్ మాత్రమే అనే భావన ఏర్పడింది. పార్టీ గెలవడంలో ఈ నాయకుల ప్రభావం ఉంది. అటు కీలకమైన సమయంలో రాజ్‌గోపాల్ రెడ్డి, వివేక్ వెంకట్ స్వామి పార్టీ నుండి నిష్క్రమించినప్పుడు బలంగా కనిపించిన బీజేపీ, ఆ తర్వాత శక్తి కోల్పోయింది. ఇప్పటికే రాజ్‌గోపాల్ రెడ్డి సోదరుడు కోమటిరెడ్డి వెంకట రెడ్డి మంత్రిగా ఉన్నారు. అలాగే (రెడ్డి) సామాజిక వర్గానికి కోట అయిన నల్గొండ నుండి వారు వచ్చారు. రాజకీయాల్లో ప్రగతి శీలంగా ఉన్నప్పటికీ, కాంగ్రెస్ తన సంప్రదాయ, ఆర్థిక మద్దతు స్థావరం అయిన (రెడ్డి) సామాజిక వర్గాన్ని సంతోషంగా ఉంచడంలో కూడా నైపుణ్యంతో సమతుల్యత చూపించగలిగింది.

ముస్లింలను ఆదరించాల్సిందే..

కాంగ్రెస్‌లో (కులం) లెక్కలు పనిచేసే ఉండవచ్చు. ప్రాంతీయ, అలాగే మైనారిటీ సభ్యుల ప్రాతినిధ్యం ఆశించిన స్థాయిలో లేదు. హైదరాబాద్, రంగారెడ్డి, నిజామాబాద్ వంటి కీలక జిల్లాలకు మంత్రివర్గంలో ప్రాతినిధ్యం లేకుండా పోయింది. ముస్లింలు, గిరిజన వర్గాలలో (లంబాడాలు) కూడా దూరంగా ఉన్నారు. కాంగ్రెస్ పార్టీలో ముస్లిం ఎమ్మెల్యేలు ఎవరూ లేరు.. ఆ పార్టీకి ఒకే ఒక (ముస్లిం) ఎమ్మెల్సీ అమీర్ అలీ ఖాన్ ఉన్నారు. ఈ అంతరాన్ని పూరిం చడానికి, రాబోయే ఉప ఎన్నికలో జూబ్లీ‌హిల్స్ నుంచి ముస్లిం అభ్యర్థిని నిలబెట్టాలని కాంగ్రెస్ పరిశీలిస్తోంది. క్రికెటర్ మహమ్మద్ అజారుద్దీన్, అలాగే ముఖ్యమంత్రి రేవంత్ రెడ్డికి అత్యంత సన్నిహితుడు షహీమ్ ఖురేషి పేర్లు వినిపిస్తున్నాయి.

సమతుల్యత, సంతృప్తి.. కత్తిమీద సాము

(లంబాడా) కమ్యూనిటీకి ప్రాతినిధ్యం లేకపోవటాన్ని భర్తీ చేయడానికి, డోర్నకల్ నుంచి వచ్చిన ఎమ్మెల్యే రామ్ చందర్ నాయక్‌ను డిప్యూటీ స్పీకర్‌గా ముఖ్యమంత్రి నామినేట్ చేశారు.. ఇది వరకే దళితుడైన గడ్డం ప్రసాద్ కుమార్‌ను కాంగ్రెస్ స్పీకర్‌గా నియమించింది. ఫలితంగా, తెలంగాణలో, అసెంబ్లీ అధ్యక్ష పదవులు రెండూ వరుసగా (ఎస్సీ) అలాగే (ఎస్టీ) వర్గాలకు చెందాయి. ఏది ఏమైనా తెలంగాణ మంత్రి వర్గ విస్తరణలో "కులం, మతం,వర్గం, ప్రాంతీయ" శక్తుల మధ్య సమతుల్యత సాధించటం... అన్ని వర్గాలను ఏకకాలంలో అనేక పరిమితుల దృష్ట్యా సంతృప్తిని సాధించడం ఒక‌వైపు ముఖ్యమంత్రికి, కేంద్ర అధిష్టానానికి కత్తి మీద సామే.

డాక్టర్ కోలాహలం రామ్ కిశోర్

98493 28496