పూరీ జగన్నాథ రథయాత్రకు వేళాయె.. ఎప్పటి నుంచి ప్రారంభం అంటే?

దిశ, వెబ్ డెస్క్: ఒడిశాలోని పూరీ తీరాన జగత్తును ఏలే ఆ జగన్నాథుడు తన సోదరుడు బలరాముడు, సోదరి సుభద్రతో కొలువె ఉన్నాడు. అందుకే హిందువులు పూరీ తీర్థయాత్రను ఎంతో పవిత్రంగా భావిస్తారు. ఇక ఇక్కడ ప్రతి ఏడాది ఆషాఢమాసంలో అత్యంత ఘనంగా నిర్వహించే రథయాత్ర విశేష ఆకర్షణగా నిలుస్తుంది. ఈ మహోత్సవాన్ని జీవితంలో ఒక్కసారైనా ప్రత్యక్షంగా చూసే భాగ్యం అందుకోవాలని ప్రతి హిందువు కోరుకుంటాడు. ఈ వేడుకను చూసేందుకు దేశ, విదేశాల నుంచి లక్షలాదిగా భక్తులు తరలి వస్తారు. ఇక ఈ ఏడాది జగన్నాథ రథయాత్ర ఎప్పుడు జరుగుతుంది. ఆ విశేషాలు తెలుసుకుందాం.

జగన్నాథుడి రథయాత్ర ప్రతి ఏడాది ఆషాఢ మాసంలో శుక్ల పక్షం విధియ తిథి నుండి ప్రారంభమవుతుంది. అంటే ఈ ఏడాది జూన్ 27 నుంచి రథయాత్ర ప్రారంభంకానుంది. ఇది 9 రోజులపాటు జరుగుతుంది. ఈ ఉత్సవానికి సంబంధించిన అనేక శుభకార్యాలు ఇప్పటికే మొదలయ్యాయి. సాధారణంగా హిందూ దేవాలయాలలో ఉత్సవ విగ్రహాలను ఊరేగిస్తారు. అయితే పూరిలో గర్భగుడిలో ఉండే జగన్నాథుడు, బలరాముడు, సుబధ్రల మూలవిరాట్ విగ్రహాలే ప్రత్యేకంగా తయారు చేసిన మూడు రథాల్లో ఊరేగింపులో భాగంగా ఉంటాయి. ఈ రథయాత్రలో మరో విశేషం ఏమిటంటే.. ప్రతి సంవత్సరం కొత్త కలపతో రథాన్ని తయారు చేస్తారు. ప్రతి రథం కోసం దాదాపు 1,000 చెక్క ముక్కలను ఉపయోగిస్తారు. ఈ భారీ నిర్మాణాలు ఎలాంటి లోహపు మేకులు లేదా ఫాస్టెనర్లు ఉపయోగించకుండా తయారుచేస్తారు. మహారాణులు అని పిలువబడే కళాకారుల తరతరాలుగా అందించబడిన సాంప్రదాయ కలపడం పద్ధతులను ఉపయోగించి వీటిని రూపొందిస్తారు. వీటి నిర్మాణానికి దాదాపు రెండు నెలలు పడుతుంది.

ఈ రథయాత్రలో జగన్నాథుడు, బలభద్రుడు, సుభద్రల దర్శనం తర్వాత గుండిచా ఆలయానికి చేరుకుంటారు. ఇది తన అత్త నివాసం అని స్థానికులు చెబుతారు. ఇక్కడికి చేరుకున్న తర్వాత, భగవంతుడు తన తల్లి తయారు చేసిన రుచికరమైన వంటకాలను స్వీకరిస్తాడు. ఆ తర్వాత ఏడు రోజుల పాటు ఈ ఆలయంలో విశ్రాంతి తీసుకుంటాడు. ఈ సందర్భంగా జూన్ 26న గుండిచా ఆలయం శుభ్రం చేయబడుతుంది. ఆమరుసటి రోజు అంటే జూన్ 27న రథయాత్రను నిర్వహిస్తారు. రథయాత్ర తొమ్మిది రోజుల పాటు కొనసాగిన తిరుగు ప్రయాణం జూలై 5న సాగుతుంది. ఈ సందర్భంలో జగన్నాథుడు మళ్ళీ సోదరి సుభద్ర, సోదరుడు బలభద్రతో కలిసి శ్రీమందిర్‌కు బయలుదేరుతాడు.