డిగ్రీ ప్రవేశాలకు నోటిఫికేషన్ జారీ

దిశ, వెబ్‌డెస్క్: రాష్ట్రంలోని అన్ని డిగ్రీ కళాశాలల్లో ప్రవేశాలు కల్పించడానికి ఉన్నత విద్యామండలి డిగ్రీ ఆన్‌లైన్ సర్వీసెస్ ఆఫ్ తెలంగాణ (దోస్త్) సోమవారం నోటిఫికేషన్ విడుదల చేసింది.ఈ మేరకు జూలై 1 నుంచి 14వ తేదీ వరకు మొదటి విడత దోస్త్ రిజిస్ట్రేషన్లు ప్రారంభమవుతాయని కన్వీనర్ లింబాద్రి ప్రకటించారు. జూలై 6 నుంచి 15 వరకు మొదటి విడత వెబ్ ఆప్షన్లు నమోదు చేసుకోవచ్చునని వివరించారు. అనంతరం జూలై 22 నుంచి మొదటి విడత సీట్లను కేటాయించనున్నట్టు ఆయన తెలిపారు. కరోనా నేపథ్యంలో ఈ సారి అకాడమిక్ ఇయర్ లేట్ అవ్వకుండా చూసుకునేందుకు ప్రయత్నిస్తున్నామని దోస్త్ కన్వీనర్ చెప్పుకొచ్చారు.