యాత్రికుల బస్సుకు ఘోర ప్రమాదం.. ముగ్గురు మృతి

దిశ, వెబ్ డెస్క్: యాత్రికులతో వెళ్తున్న ప్రైవేట్ ట్రావెల్స్ బస్సుకు ప్రమాదం జరిగి ముగ్గురు ప్రాణాలు కోల్పోయారు. ఈ షాకింగ్ సంఘటన బీహార్ లో చోటు చేసుకుంది. ఔరంగబాద్ వద్ద యాత్రికులతో వెళ్తున్న బస్సు లారీని ఢీకొట్టింది. దీంతో బస్సులో ఉన్న 3 ముగ్గురికి తీవ్ర గాయాలు కావడంతో అక్కడికక్కడే ప్రాణాలు కోల్పోయారు. అలాగే మరో 15 మందికి తీవ్ర గాయాలయ్యాయి. ప్రమాద సమయంలో బస్సులో మొత్తం 43 మంది యాత్రికులు ఉన్నట్లు అధికారులు గుర్తించారు. ఈ ప్రమాదంలో స్వల్ప గాయాలైన వారిని స్థానిక ఆస్పత్రికి తరలించి చికిత్స అందిస్తున్నారు. ఈ యాత్రికులు బస్సు ఈ నెల 1న నెల్లూరు నుంచి కాశీ యాత్రకు బయలుదేరినట్లు అధికారులు గుర్తించారు. మృతుల్లో ఇద్దరు సంగం, ఒక మహిళ ఆత్మకూర్ కి చెందిన వారిగా పోలీసులు గుర్తించారు. ఈ ఘటనపై కేసు నమోదు చేసుకొని దర్యాప్తు చేస్తున్నారు.