హైదరాబాద్ నగరంలో సంచలనం.. భారీగా రద్దయిన పెద్ద నోట్లు సీజ్

దిశ, వెబ్‌డెస్క్: అవినీతిపై పోరాడేందుకు, దేశంలో నల్లధనం సమస్యలను రూపుమాపేందుకు 2016 నవంబరు 8 అర్థరాత్రి నుంచి మొదలుకుని రూ.500, రూ.వెయ్యి నోట్లను నరేంద్ర మోడీ ప్రభుత్వం రద్దు చేసిన విషయం తెలిసిందే. ఈ నేపథ్యంలోనే తాజాగా ఇవాళ హైదరాబాద్ నగర పరిధిలో చిత్రం చోటుచేసుకుంది. నారాయణగూడలో టాస్క్‌ఫోర్స్ పోలీసులు తనిఖీలు చేపడుతుండగా.. ఓ ఇంట్లో 3 పెద్ద బ్యాగుల్లో రద్దు అయిన రూ.2 కోట్ల విలువైన రూ.500, రూ.వెయ్యి నోట్ల కట్టలను గుర్తించారు. ఈ మేరకు బ్యాగులతో పాటు నలుగురు అనుమానిత వ్యక్తులను పోలీసులు అదుపులోకి తీసుకున్నారు. అసలు ఆ నోట్లు ఎక్కడి నుంచి వచ్చాయి.. ఎవరివి, అక్కడ ఎందుకు ఉన్నాయనే విషయాలపై పోలీసులు ఆరా తీస్తున్నారు.