చంచల్‌గూడ జైల్లో తీవ్ర ఉద్రిక్తత.. ఖైదీల మధ్య ఘర్షణ

దిశ, వెబ్‌డెస్క్: నిత్యం ప్రశాంతంగా ఉండే చంచల్‌గూడ (Chanchalguda) జైలు దద్దరిల్లింది. ఇవాళ సాయంత్రం సరిగ్గా 4.30కి ఖైదీలు తమ బంధువులను కలిసే ములాఖత్ రూమ్‌ వద్ద ఒక్కసారిగా ఘర్షణ జరిగింది. ఓ నేరంపై మంగళవారం జైలుకు వచ్చిన ఖైదీ జాబ్రీ (Jabri)పై మరో పాత ఖైదీ దస్తగిరి (Dastagiri) పరస్పరం దాడికి దిగగా ములాఖాత్ గది సమీపంలోని అద్దాలు పూర్తిగా ధ్వంసం అయ్యాయి. ఈ పెనుగులాటలో ఖైదీ జాబ్రీకి తీవ్రంగా గాయాలయ్యాయి. దీంతో గమనించిన జైలు సిబ్బంది అతడిని చికిత్స నిమిత్తం హుటాహుటిన సమీపంలోని ఆసుపత్రికి తరలించారు. అయితే ఖైదీలు ద‌స్త‌గిరి, జాబ్రీల మ‌ధ్య ఉన్న పాత క‌క్ష‌ల నేప‌థ్యంలో జైల్లో పరస్పరం దాడి చేసుకున్న‌ట్లుగా తెలుస్తోంది.