విమర్శల పాలవుతున్న కేటీఆర్, స్మితా సబర్వాల్
దిశ, తెలంగాణ బ్యూరో : “రాష్ట్రంలో బంజారాహిల్స్లో ఉండేవారైనా… మారుమూల తండాల్లో ఉండేవారైనా తాగేనీళ్లు ఒక్కటే. అవే మిషన్ భగీరథ నీళ్లు.” అంటూ సీఎం కేసీఆర్ అసెంబ్లీ వేదికగా ప్రకటించారు. ‘ఇక నుంచి ప్రభుత్వ కార్యక్రమాలు, సమావేశాల్లో మిషన్భగీరథ నీళ్లను రాగి బాటిళ్లలో వాడాలని మంత్రి కేటీఆర్, మిషన్భగీరథ స్పెషలాఫీసర్ స్మితా సబర్వాల్ వెల్లడించారు.’ కానీ అవన్నీ ఉత్తి ప్రకటనలేనని తేలిపోయాయి. ఇటీవల వరుసగా సమావేశాలు నిర్వహిస్తున్న నేపథ్యంలో ప్రతి సమావేశంలోనూ ప్రైవేట్ కంపెనీలకు చెందిన ప్లాస్టిక్ వాటర్బాటిళ్లే దర్శనమిస్తున్నాయి.
ఇటీవల సిద్దిపేట, కామారెడ్డి, వరంగల్ పర్యటనతో పాటు వాసాలమర్రిలో సీఎం సభకు భారీ ఎత్తున ప్రైవేట్ కంపెనీలకు చెందిన నీళ్ల బాటిళ్లను వినియోగించారు. వాసాలమర్రిలో కూడా గ్రామస్థులతో కలిసి సీఎం సహపంక్తి భోజనం చేయగా… అక్కడ కూడా ఓ కంపెనీకి చెందిన వాటర్బాటిళ్లను ఏర్పాటు చేశారు. అటు బీఆర్‌కే భవన్లో సమావేశాలకు కూడా మిషన్భగీరథ నీళ్లను వాడటం లేదు. దీంతో కేటీఆర్, స్మితా సబర్వాల్‌లపై విమర్శలు వెల్లువెత్తున్నాయి.
Food is not just fuel. It is to unite a community. A vehicle of social change.
At Gram Sabha lunch Vasalamarri , Yadadri pic.twitter.com/vFggyZcrL2
— Smita Sabharwal (@SmitaSabharwal) June 23, 2021
