ఆ స్టార్ హీరో గొప్ప మనసు.. మీకు ఎలా ధన్యవాదాలు తెలపాలో అర్థం కావడం లేదంటూ ప్రముఖ స్టంట్ మాస్టర్ పోస్ట్

దిశ, సినిమా: పా. రంజిత్ డైరెక్షన్‌లో ఆర్య నటిస్తున్న ‘వేట్టువం’ మూవీ సెట్‌లో.. షూటింగ్ జరుగుతుండగా స్టంట్‌మ్యాన్ రాజు మృతి చెందిన విషయం తెలిసిందే. ఇండస్ట్రీలో చర్చనీయాంశంగా మారిన ఈ ఘటన విన్నా బాలీవుడ్ స్టార్ అక్షయ్ కుమార్ చలించిపోయారు. దీంతో ఓ గొప్ప నిర్ణయం తీసుకుని అందరితో ప్రశంసలు అందుకుంటున్నారు. ఈ మేరకు అక్షయ్ కుమార్ ఇండస్ట్రీలోని 650 మంది స్టంట్ మ్యాన్‌లకు తన సొంత డబ్బుతో ఇన్సూరెన్స్ చేయించారు.

ఈ ఇన్సూరెన్స్ పాలసీలో ఆరోగ్య, ప్రమాద బీమా రెండూ ఉన్నాయి. స్టంట్ మ్యాన్ సెట్‌లో, బయట ఎక్కడైనా గాయపడితే రూ. 5 లక్షల వరకు బీమా పొందవచ్చు. అక్షయ్ కుమార్ చేసిన ఈ పనితో ప్రేక్షకులకు నువ్వు దేవుడువయ్యా అంటూ ప్రశంసిస్తున్నారు. దీనిపై బాలీవుడ్ ప్రముఖ స్టంట్ మాస్టర్ విక్రమ్‌సింగ్ స్పందిస్తూ.. ‘మీకు ఎలా థ్యాంక్స్ చెప్పాలో అర్థం కావడం లేదు. మీరు చేసిన ఈ పని వల్ల బాలీవుడ్‌లో దాదాపు 650 నుంచి 700 బంది స్టంట్‌మ్యాన్‌లు, యాక్షన్ సిబ్బంది ఇప్పుడు బీమా పరిధిలోకి వచ్చారు’ అని ధన్యవాదాలు తెలుపుకున్నారు.