Samantha-Chaitanya: మళ్లీ అక్కడ కలవబోతున్న సమంత- నాగ చైతన్య.. ఫుల్ ఖుషీలో ఫ్యాన్స్

దిశ, వెబ్‌డెస్క్: యువ సామ్రాట్ అక్కినేని నాగ చైతన్య(Naga Chaitanya), స్టార్ హీరోయిన్ సమంత(Samantha) జంటగా నటించిన బ్లాక్ బస్టర్ రొమాంటిక్ ఎంటర్‌టైనర్ ‘ఏమాయ చేసావే’(Yemaya Chesave). ఇక దీనికి గౌతమ్ వాసుదేవ్ మీనన్(Gautham vasudev Menon) దర్శకత్వం వహించాడు. అయితే 2010లో విడుదలైన ఈ చిత్రం బ్లాక్ బ‌స్ట‌ర్ హిట్ అందుకోవ‌డ‌మే కాకుండా.. నాగ చైతన్యకు లవర్ బాయ్ ఇమేజ్‌ని తీసుకొచ్చింది. అలాగే సమంతను హీరోయిన్‌గా తెలుగు తెరకు పరిచయం చేసింది. ఏ.ఆర్. రెహమాన్ అందించిన సంగీతం, పాటలు ఇప్పటికీ యువతకు ఇష్టమైన ప్లేలిస్ట్‌లో ఉన్నాయి. ఈ సినిమా నాటికీ నేటికీ ఒక క్లాసిక్ రొమాంటిక్ చిత్రంగా నిలిచిపోయింది.

అయితే ఈ సినిమా వ‌చ్చి 15 ఏండ్లు అవుతున్న సంద‌ర్భంగా మేక‌ర్స్ రీ రిలీజ్‌కి ప్లాన్ చేస్తున్నారు. ఈ సినిమాను జూలై 18న రీ-రిలీజ్ చేయ‌బోతున్న‌ట్లు ప్ర‌క‌టించారు. ప్రస్తుతం ఈ న్యూస్ సోషల్ మీడియాలో వైరల్‌గా మారగా.. మళ్లీ సమంత చైతన్యను ఒకే ఫ్రేమ్‌లో చూస్తున్నామని ఫ్యాన్స్ ఫుల్ ఖుషీ అవుతున్నారు. మరి వారిద్దరూ ప్రమోషన్లలో పాల్గొంటారా లేదా అనేది ఆసక్తికరంగా మారింది. కాగా ఈ సినిమా టైంలోనే సామ్- చై ప్రేమలో పడి పెళ్లి కూడా చేసుకున్నారు. కానీ వీరిద్దరి మధ్య మనస్పర్థలు రావడంతో మ్యారేజ్ అయిన నాలుగేళ్లకే విడాకులు తీసుకుని విడిపోయారు. ఆఫ్టర్ డివోర్స్ తర్వాత నాగచైతన్య శోభిత ధూళిపాళను రెండో వివాహం చేసుకోగా సామ్ మాత్రం మరో మ్యారేజ్ చేసుకోలేదు.