Aura Of Ustaad: మెడ ముట్టుకుంటే తొడగొట్టినట్టే..

దిశ, వెబ్‌డెస్క్: పవర్ స్టార్ పవన్ కల్యాణ్ - హరీశ్ శంకర్ కాంబినేషన్‌లో వస్తోన్న ఉస్తాద్ భగత్ సింగ్ సినిమా నుంచి రెండో పాట విడుదలైంది. ‘ఆరా ఆఫ్‌ ఉస్తాద్‌’ (Aura Of Ustaad) పేరిట హైదరాబాద్‌లోని మల్లారెడ్డి యూనివర్సిటీ వేదికగా ఆదివారం రిలీజ్ చేశారు. పవన్ కల్యాణ్(Pawan Kalyan) మేనరిజానికి ఈ పాట ద్వారా డైరెక్టర్ హరీశ్ శంకర్.. ‘మెడ ముట్టుకుంటే తొడగొట్టినట్టే’.. అని నిర్వచనం ఇచ్చారు. ప్రేక్షకుల్లో పవన్ కల్యాణ్‌కున్న క్రేజ్‌ను ప్రతిబింబించేలా చంద్రబోస్‌ రాసిన ఈ పాటను దేవిశ్రీ ప్రసాద్‌, ఎస్పీ అభిషేక్‌ పాడారు. సంగీతం కూడా దేవిశ్రీ ప్రసాదే అందించారు. మార్చి 26వ తేదీన ప్రపంచ వ్యాప్తంగా ఈ చిత్రం విడుదల కాబోతోంది. శ్రీలీల, రాశీఖన్న హీరోయిన్లుగా నటిస్తున్న ఈ సినిమాను మైత్రీ మూవీ మేకర్స్ బ్యానర్‌పై నవీన్ యెర్నేని, రవి శంకర్ యలమంచిలి నిర్మిస్తున్నారు. తమిళ నటులు పార్థిబన్, కెయస్ రవికుమార్ కీలక పాత్రల్లో మెరిశారు. ఎల్బీ శ్రీరామ్, రావు రమేష్, రాంకీ, కేజీఎఫ్ అవినాష్ ఇతర పాత్రల్లో కనిపించనున్నారు.