Konidela Nagababu: గద్దర్ అవార్డ్స్‌పై నాగబాబు పోస్ట్..

దిశ, వెబ్‌డెస్క్: రాష్ట్ర ప్రభుత్వం కొత్తగా ప్రవేశపెట్టిన గద్దర్ సినీ పురస్కారాల్ని (Gaddar Film Awards) మే 29 హైదరాబాద్ లో ప్రకటించారు. 2024కి గాను ఉత్తమ చిత్రంగా ప్రభాస్ (Prabhas) కథానాయకుడిగా నటించిన 'కల్కి 2898 ఏడీ' (Kalki 2898 AD) ఎంపికైంది. ఈ సినిమాతో పాటుగా.. గద్దర్ అవార్డుల్లో ఉత్తమ నటుడిగా అల్లు అర్జున్ (పుష్ప)ను కూడా తెలంగాణ ప్రభుత్వం ప్రకటించింది. మొదటి ఉత్తమ చిత్రంగా - కల్కి, రెండవ ఉత్తమ చిత్రంగా పొట్టేల్, మూడవ ఉత్తమ చిత్రంగా లక్కీ భాస్కర్ చిత్రాలను ప్రకటించింది.

బెస్ట్ సపోర్టింగ్ యాక్టర్ ఎస్.జె.సూర్య (సరిపోదా శనివారం), బెస్ట్ మేల్ సింగర్ సిద్ శ్రీరామ్ (ఊరి పేరు భైరవకోన), బెస్ట్ ఫీమేల్ సింగర్ శ్రేయా ఘోషల్ (పుష్ప-2), బెస్ట్ సపోర్టింగ్ యాక్టర్- ఎస్ జే సూర్య (సరిపోదా శనివారం), బెస్ట్ సపోర్టింగ్ యాక్ట్రెస్ శరణ్యా ప్రదీప్ (అంబాజీపేట మ్యారేజ్ బ్యాండ్), బెస్ట్ డెబ్యూ ఫిల్మ్ డైరెక్టర్-యదువంశీ(కమిటీ కుర్రాళ్లు), బెస్ట్ ఫీచర్ హెరిటేజ్ ఫిల్మ్ - రజాకార్, ఉత్తమ ప్రజాదరణ చిత్రం- ఆయ్ మేం ఫ్రెండ్స్ అండి, స్పెషల్ జ్యూరీ అవార్డ్- దుల్కర్ సల్మాన్ (లక్కీభాస్కర్), స్పెషల్ జ్యూరీ అవార్డ్- అనన్య నాగళ్ల(పొట్టేల్) తో పాటు మరిన్ని సినిమాల్ని ప్రకటించింది.

అయితే తాజాగా ఈ అవార్డ్స్‌ను ప్రదానం చేస్తోన్న సందర్భంగా నాగబాబు సోషల్ మీడియాలో ఓ పోస్ట్ పెట్టారు. ‘‘ప్రజా గాయకుడు గద్దర్ గారి లాంటి ఒక లెజెండ్ పేరు మీద ప్రాంతాలకి అతీతంగా కళాకారులకి గర్జర్ అవార్డ్స్ ఇస్తున్నందుకు తెలంగాణ ముఖ్య మంత్రి శ్రీ రేవంత్ రెడ్డి గారికి, తెలంగాణ సినిమాటోగ్రఫీ మంత్రి అయిన శ్రీ కోమటి రెడ్డి వెంకట రెడ్డి గారికి ఇతర ప్రముఖులకు నా హృదయపూర్వక ధన్యవాదాలు, అభినందనలు. తెలియచేస్తున్నాను. తెలుగు ప్రజలు ఎక్కడ ఉన్నా కళాకారులకు మీరిస్తున్న గౌరవానికి తెలంగాణ ప్రభుత్వానికి అభినందనలు’’ అని రాసుకొచ్చారు.

Instagram link