‘నువ్వే నా L.O.B.S.T.E.R’.. సీతారామం బ్యూటీ పంచుకున్న పోస్ట్ వెనక అర్థమేంటి?

దిశ, వెబ్‌డెస్క్: హీరోయిన్ మృణాల్ ఠాకూర్ గురించి ప్రత్యేకంగా చెప్పాల్సిన అక్కర్లేదు. ఈ బ్యూటీ కేవలం తెలుగులోనే కాకుండా.. మరాఠీ, హిందీ భాషల్లో కూడా అవకాశాలు దక్కించుకుంటూ ప్రేక్షకుల గుండెల్లో చోటు సంపాదించుకుంది. తెలుగులో సీతారామం సినిమాతో ఎంట్రీ ఇచ్చి.. తెలుగు ప్రేక్షకుల్ని కట్టిపడేసింది. తర్వాత హాయ్ నాన్న, ది ఫ్యామిలీ స్టార్, కల్కి 2898 వంటి చిత్రాల్లో అద్భుతంగా నటించి జనాల్ని విపరీతంగా ఆకట్టుకుంది. మృణాల్ అందం, అభినయం, నటనలో మంచి పేరు తెచ్చుకుంది.

వీటితో పాటుగా ఈ భామ జెర్సీ, టూఫాన్, లస్ట్ స్టోరీస్ 2, హౌస్, గుమ్రాహ్, ఆంక్ మిచోలీ, నందర్ గారు నమస్కారం, సురాజ్య వంటి హిందీ, మరాఠీ, తెలుగు సినిమాల్లో నటించి ప్రేక్షకుల్లో భారీ క్రేజ్ సొంతం చేసుకుంది. అలాగే బాలీవుడ్‌లో కూడా తన అదృష్టాన్ని పరీక్షించుకుంటోంది. తుహీహీ అనే సినిమాలో నటించి అటు బాలీవుడ్ ప్రేక్షకుల మెప్పు పొందింది. రవి ఉద్యవార్ దర్శకత్వం వహించిన ఈ సినిమాలో సిద్ధార్థ్ చతుర్వేది ముఖ్యపాత్రలో నటించారు. ఈ సినిమాలో ప్రేక్షకుల్ని విపరీతంగా ఆకట్టుకుంది.

ఇకపోతే మృణాల్ అటు సినిమాల్లో నటిస్తూనే ఇటు సోషల్ మీడియాలో కూడా ఫుల్ యాక్టివ్‌గా ఉంటుంది. తాజాగా ఈ నటి సోషల్ మీడియా వేదిక అయిన తన ఇన్‌స్టాగ్రామ్ ఖాతాలో ఓ పోస్ట్ పెట్టింది. తన స్నేహితురాలితో ఉన్న ఫొటోలు పంచుకుని.. ‘‘నువ్వే నా L.O.B.S.T.E.R’’ అని క్యాప్షన్ రాసుకొచ్చింది. దీంతో పోస్ట్ వీక్షించిన జనాలు L.O.B.S.T.E.R అంటే మీనింగ్ ఏంటని కామెంట్ల వర్షం కురిపిస్తున్నారు. దీని అర్థం చాలా క్లోజ్ అని అర్థమని మరికొంతమంది అంటున్నారు. మొత్తానికి ఈ సీతారామం బ్యూటీ పోస్ట్ సోషల్ మీడియాలో వైరల్ అవుతోంది.