మెగా 158లో బాలీవుడ్ స్టార్ హీరో.. ఫైనల్లీ క్లారిటీ ఇచ్చిన టీమ్

దిశ, సినిమా: మెగాస్టార్ చిరంజీవి ప్రస్తుతం తన కెరీర్‌లో రూపొందుతోన్న 158వ చిత్రం కోసం సిద్ధం అవుతున్నాడు. డైరెక్టర్ బాబీ కొల్లి దర్శకత్వంలో తెరకెక్కుతోన్న ఈ సినిమా అనౌన్స్ చేసినప్పటి నుంచి దీనికి సంబంధించిన ఏదో ఒక వార్త నెట్టింట చక్కర్లు కొడుతూనే ఉంది. ఈ క్రమంలోనే గత కొద్ది రోజులుగా ఇందులో బాలీవుడ్ నటుడు అనిల్ కపూర్ ఓ కీలక పాత్రలో నటిస్తారని పుకార్లు వచ్చాయి. అయితే.. ఇందులో ఎలాంటి నిజం లేదని, అవన్నీ కేవలం రూమర్స్ మాత్రమే అని చిత్ర వర్గాలు క్లారిటీ ఇచ్చాయి. కాగా.. ప్రస్తుతం ఈ మూవీ ప్రీ-ప్రొడక్షన్ చివరి దశలో ఉండగా, త్వరలోనే షూటింగ్ ప్రారంభం కానుంది.