అర్జున్ దాస్ ‘కాన్ సిటీ’ సినిమా రిలీజ్ డేట్ ప్రకటించిన మేకర్స్.. పోస్టర్తో భారీ హైప్ క్రియేట్
కుటుంబంలో ఉండే ఎమోషన్స్, ఫన్ అండ్ క్రైమ్ ఎలిమెంట్స్లో రాబోతున్న ఈ సినిమా పోస్ట్ ప్రొడక్షన్ పనులు జరుగుకుంటోందని సమాచారం. తాజాగా, మేకర్స్ ‘కాన్ సిటీ’ విడుదల తేదిని ప్రకటించారు.
దిశ, సినిమా: కోలీవుడ్ యంగ్ హీరో అర్జున్ దాస్ ఓ వైపు క్యారెక్టర్ ఆర్టిస్ట్గా చేస్తూనే మరోవైపు వైవిధ్యమైన పాత్రలతో హీరోగా బాక్సాఫీసు వద్ద సత్తా చాటుతున్నారు. ప్రస్తుతం ఆయన హీరోగా రాబోతున్న సరికొత్త కామెడీ మూవీ ‘కాన్ సిటీ’. ఇందులో అన్నా బెన్ హీరోయిన్గా నటిస్తుండగా.. హరీష్ దురైరాజ్ దర్శకత్వం వహించారు. పవర్ హౌస్ పిక్చర్స్, ఎమ్ఎమ్ మూవీ మేకర్స్ క్లౌట్ స్టూడియోస్ సంయుక్తంగా నిర్మిస్తున్నాయి. ఈ చిత్రానికి షాన్ రోల్డాన్ అద్భుతమైన సంగీతం అందిస్తుండగా.. ఇందులో యోగిబాబు, తంబి రామయ్య, రాధా రవి, రమేష్ తిలక్, భరద్వాజ్ రంగన్ కీలక పాత్రలో కనిపించబోతున్నారు. ఇప్పటికే ఈ సినిమా నుంచి విడుదలైన టీజర్ ఆసక్తిని రేకెత్తించింది. ఇందులో ఊహించని పిడుగుపాటు కారణంగా జరిగిన ప్రమాదంలో ఒక సాధారణ మెషిన్ రిసిప్ట్ ఉన్నట్టుండి రూ. 500 ప్రింటర్ చేయడం ప్రారంభిస్తుంది. ఇబ్బందుల్లో ఉన్న ఓ మధ్య తరగతి కుటుంబం తమ కష్టాలు తీరిపోయాయని సంతోషపడుతూ పండగ చేసుకుంటారు.
ఇక ఆ డబ్బులు మిషిన్ గురించి చుట్టు పక్కల వారికి, సమాజానికి తెలిసిన తర్వాత ఎలాంటి గందరగోళం నెలకొంది? ఆ తర్వాత వారి జీవితాలు ఏ మలుపు తిరిగాయనేది ఈ మూవీ స్టోరీ అని తెలుస్తోంది. ఇందులో ఓ మధ్యతరగతి కుటుంబంలో ఉండే ఎమోషన్స్, ఫన్ అండ్ క్రైమ్ ఎలిమెంట్స్లో రాబోతున్న ఈ సినిమా పోస్ట్ ప్రొడక్షన్ పనులు జరుగుకుంటోందని సమాచారం. తాజాగా, మూవీ మేకర్స్ ఈ మూవీ విడుదల తేదిని ప్రకటించారు. జూన్ 26న తెలుగు, తమిళ భాషలో ఒకేసారి విడుదల కాబోతున్నట్లు తెలిపారు. అంతేకాకుండా ఓ పోస్టర్ను కూడా రిలీజ్ చేశారు. ఇందులో అర్జున్ దాస్ కొన్ని రూ.500 నోట్లు పట్టుకుని చూపిస్తూ కనిపించగా.. తన మధ్యతరగతి కుటుంబం ఆయన పక్కన ఉన్నారు. అలాగే ఓ బాలుడు వీల్ చైర్లో కూర్చొని డబ్బులతో విమానం చేసి ఎగవేస్తుండగా.. వారి చుట్టూరా రూ.500 నోట్లు పడి ఉన్నట్లు ఉన్న ఈ పోస్టర్ ప్రేక్షకుల్లో హైప్ క్రియేట్ చేసింది.
