థియేటర్లలో రీ రిలీజ్ కాబోతున్న లవ్ అండ్ ఎమోషనల్ మూవీ.. పోస్ట్ వైరల్

దిశ, వెబ్‌డెస్క్: మెగా కోడలు, హీరోయిన్ లావణ్య త్రిపాఠి(Lavanya Tripathi) కథానాయికగా ‘అందాల రాక్షసి’(andala Rakshasi) సినిమాతో తెలుగు ప్రేక్షకులకు పరిచయం అయిన సంగతి తెలిసిందే. ఈ చిత్రంలో నవీన్‌చంద్ర(Naveen Chandra), రాహుల్‌ రవీంద్రన్(Rahul Ravindran) హీరోలుగా నటించగా.. హను రాఘవపూడి(Hanu Raghavapudi) దర్శకత్వం వహించారు. అలాగే వారాహి చలన చిత్రం పతాకంపై సాయి కొర్రపాటి(Sai Korrapati), ఎస్‌.ఎస్‌.రాజమౌళి(SS Rajamouli) నిర్మించారు. ఇక 13 సంవత్సరాల క్రితం రిలీజ్ అయిన ఈ మూవీ విభిన్నమైన ప్రేమకథగా, మనసును కట్టిపడేసే భావోద్వేగాలతో మెప్పించింది. ఈ క్రమంలో ఈ మూవీకు సంబంధించిన ఓ న్యూస్ నెట్టింట చక్కర్లు కొడుతోంది. అదేంటంటే..

ప్రజెంట్ టాలీవుడ్‌(Tollywood)లో రీరిలీజ్ ట్రెండ్ నడుస్తున్న సంగతి తెలిసిందే. ఇప్పటికే చాలా చిత్రాలు రిలీజ్ అయ్యి మంచి రెస్పాన్స్ తెచ్చుకుంటున్నాయి. ఈ నేపథ్యంలో తాజాగా అందాల రాక్షసి మూవీని కూడా ఈ నెల 13న రీరిలీజ్‌ చేయబోతున్నట్లు మేకర్స్‌ తెలిపారు. ఈ మ్యూజికల్‌ లవ్‌స్టోరీని మరలా బిగ్‌స్క్రీన్‌పై ఆస్వాదించే అవకాశమిదని నిర్మాతలు పేర్కొన్నారు. అలా పదమూడేళ్ల క్రితం విడుదలైన ‘అందాల రాక్షసి’ చిత్రం హృద్యమైన ప్రేమకథగా ప్రేక్షకుల మదిలో నిలిచిపోయిన ఈ మూవీ మళ్లీ థియేటర్లలో రాబోతుండటంతో యూత్ ఫుల్ ఖుషీ అవుతున్నారు.

View this post on Instagram

A post shared by VaaraahiCC (@vaaraahicc)