ఛీ అనవసరంగా ఈ స్టార్ క్రికెటర్‌తో డేటింగ్ చేశా.. నా పిల్లలు అడిగితే ఏం చెప్పాలి.. అలనాటి హీరోయిన్ షాకింగ్ కామెంట్స్

దిశ, వెబ్‌డెస్క్: 'కర్క కసదారా' ద్వారా అనే తమిళ మూవీతో ఇండస్ట్రీకి ఎంట్రీ ఇచ్చిన అలనాటి హీరోయిన్ రాయ్ లక్ష్మి(Rai Lakshmi) గురించి స్పెషల్‌గా చెప్పాల్సిన పనిలేదు. ఇక తెలుగులో ఈ చిన్నది ‘కాంచనమాల కేబుల్ టీవీ’(Kanchanamala Cable TV) అనే చిత్రంతో ఎంట్రీ ఇచ్చింది. తెలుగుతో పాటు హిందీ, తమిళం, కన్నడ, మలయాళం సినిమాల్లో నటించి ఆకట్టుకుంది. ఇప్పుడు ఈ బ్యూటీ గ్లామర్ పాత్రలకే పరిమితం అయ్యింది. అప్పట్లో పవన్ కళ్యాణ్, చిరంజీవి, బాలకృష్ణ లాంటి స్టార్ హీరోలతో స్టెప్పులేసి మంచి పాపులారిటీ తెచ్చుకుంది. ప్రస్తుతం ఈ బ్యూటీ సినిమాల స్పీడ్ తగ్గించి సోషల్ మీడియాకే పరిమితమైంది. అయితే రాయ్ లక్ష్మీ కేవలం సినిమాలతోనే కాకుండా, అప్పట్లో భారత క్రికెట్ దిగ్గజం మహేంద్ర సింగ్ ధోనితో ఉన్న డేటింగ్ రూమర్స్‌తోనూ వార్తల్లో నిలిచారు.

ఈ క్రమంలో తాజాగా ఈ వార్తలపై స్పందించింది ఈ ముద్దుగుమ్మ. ఆమె మాట్లాడుతూ.. ‘ధోనితో నా సంబంధాన్ని ఒక మచ్చగా భావిస్తున్నాను. భవిష్యత్తులో నా పిల్లలు ఈ విషయం గురించి ప్రశ్నిస్తే నేను ఎలా సమాధానం చెప్పాలో అర్థం కావట్లేదు. అయితే గతంలో ధోనితో నాకు సంబంధం ఉందని వచ్చిన వార్తలను తాజాగా మళ్ళీ తవ్వి తీస్తున్నారు, ఇంటర్నెట్‌లో ఈ విషయాలు ఇప్పటికీ వైరల్ అవుతున్నాయి. అవి నాకు నచ్చడం లేదు. దయచేసి ఈ పిచ్చి ప్రచారాన్ని దూరం పెట్టాలని కోరుకుంటున్నాను’ అంటూ చెప్పుకొచ్చింది. ప్రస్తుతం ఆమె చేసిన ఈ కామెంట్స్ సోషల్ మీడియాలో వైరల్‌గా మారాయి.