వర్ష బొల్లమ్మ క్రేజీ పోస్ట్.. క్రికెట్ ఆడుతూ ఫన్నీ, క్యూట్ కన్వర్జేషన్ వైరల్

దిశ, వెబ్‌డెస్క్: క్యూట్ నటిగా పేరు తెచ్చుకున్న నటి వర్ష బొల్లమ్మ గురించి ప్రత్యేకంగా చెప్పాల్సిన అక్కర్లేదు. ఈ బ్యూటీకి చిన్నప్పట్నుంచే నటనపై ఆసక్తి ఉండటంతో ప్రారంభంలో రాజా రాణిలోని నజ్రియా నజీమ్ డైలాగ్స్ డబ్స్మాష్ వీడియోలతో గుర్తింపు పొందింది. వర్ష కూడా నజ్రియా మాదిరిగా ఉంటుంది. తర్వాత వర్ష విజిల్ సినిమాలో ఫుట్‌బాల్ ప్లేయర్‌గా చూసీ చూడంగానే సినిమాలో డ్రమ్మర్‌ అండ్‌ మ్యూజిక్‌ డైరెక్టర్‌గా నటించింది. వర్ష ఆనంద్ దేవరకొండతో నటించిన మిడిల్ క్లాస్ మెలోడీస్ చిత్రం అమెజాన్ ప్రైమ్ లో విడుదలై మంచి టాక్ సొంతం చేసుకుంది.

వర్ష బొల్లమ్మ కేవలం తెలుగులో మాత్రమే కాకుండా.. తమిళ, మలయాళ సినిమాల్లో కూడా నటించి మంచి పేరే సంపాదించుకుంది. తమిళంలో వచ్చిన సతురన్ సినిమాలో తొలిసారిగా నటించిన వర్ష, 2019లో వచ్చిన చూసి చూడంగానే సినిమాతో తెలుగు సినిమారంగంలోకి అడుగుపెట్టింది. తర్వాత వెట్రివేలన్‌, ఇవన్ యారేంద్రు తెరికిరత, యానుమ్ తీయవన్, కళ్యాణం, మందారం, సీమతురై, పెట్టికడై, సూతరక్కరన్, విజిల్, చూసి చూడంగానే, మిడిల్ క్లాస్ మెలోడీస్, జాను, మానె నెం.13, పుష్పకవిమానం, సెల్ఫీ, అక్క కురివి, స్టాండప్‌ రాహుల్‌, స్వాతిముత్యం, ఊరు పేరు భైరవకోన వంటి సినిమాల్లో నటించి ప్రేక్షకుల్ని విపరీతంగా ఆకట్టుకుంది.

ఇక శ్రీమతి అనిత సమర్పణలో శ్రీ వెంకటేశ్వర క్రియేషన్స్ బ్యానర్‌పై దిల్ రాజు, శిరీష్ నిర్మించిన తమ్ముడు సినిమాతో త్వరలో ప్రేక్షకుల ముందుకు రానుంది. శ్రీరామ్ వేణు దర్శకత్వం వహించిన ఈ మూవీలో నితిన్, లయ, వర్ష బొల్లమ్మ, సప్తమి గౌడ ప్రధాన పాత్రల్లో నటించారు. ఈ సినిమాను జూలై 4న విడుదల చేయనున్నారు. అయితే తాజాగా వర్ష బొల్లమ్మ సోషల్ మీడియాలో ఓ ఫన్నీ వీడియో పంచుకుంది. క్రికెట్ ఆడుతూ.. ‘ఒకే ఒక నియమం. నేను అవుట్ అని చెప్పే వరకు నేను అవుట్ కాదు వర్ష అవుట్ కాదు అమ్మ’ అంటూ రాసుకొచ్చింది. చివరలో తమ్ముడు ప్రమోషన్ కోసం అని మెన్షన్ చేసింది. ప్రస్తుతం ఈ క్యూట్ వీడియో నెట్టింట వైరల్ అవుతోంది. instagram link