The Rajasaab : ది రాజాసాబ్ నుంచి హీరోయిన్ పోస్టర్ రిలీజ్.. దేవకన్యలా మెరిసిపోతున్న బ్యూటీ

దిశ, సినిమా: హీరోయిన్ నిధి అగర్వాల్ (Nidhi Agarwal) రీసెంట్‌గా ‘హరిహర వీరమల్లు’ (Harihara Veeramallu) సినిమాతో ప్రేక్షకుల ముందుకు వచ్చింది. పవర్ స్టార్ పవన్ కల్యాణ్ హీరోగా నటించిన ఈ మూవీ భారీ అంచనాల మధ్య జులై 24న ప్రేక్షకుల ముందుకు వచ్చి కేవలం మిక్సిడ్ టాక్‌కే పరిమితం అయింది. ఈ సినిమా కోసం నిధి.. ఎన్నో సినిమా ఆఫర్లను త్యాగం చేసింది. ఇక ప్రస్తుతం ఈ హీరోయిన్ తన ఆశలన్నీ ‘ది రాజాసాబ్’ (The Rajasaab) పైనే పెట్టుకుంది. పాన్ ఇండియా స్టార్ హీరోగా నటిస్తున్న ఈ హారర్ కామెడీ చిత్రాన్ని మారుతి దర్శకత్వం వహిస్తున్నాడు.

పీపుల్ మీడియా ఫ్యాక్టరీ బ్యానర్‌పై టీజీ విశ్వప్రసాద్, వివేక్ కూచి బొట్ల నిర్మిస్తున్నారు. ఇప్పటికే ఇందులో నుంచి వచ్చిన ప్రతీ అప్డేట్ ప్రేక్షకులను విపరీతంగా ఆకట్టుకోగా.. భారీ అంచనాల మధ్య ఈ మూవీ వచ్చే ఏడాది సంక్రాంతికి రిలీజ్ అయ్యేందుకు సిద్ధం అవుతోంది. ఇదిలా ఉంటే.. ఈ సినిమాలో మాళవిక మోహనన్ (Malavika Mohanan), రిద్ధి కుమార్‌తో పాటు నిధి అగర్వాల్ కూడా హీరోయిన్‌గా నటిస్తున్న సంగతి తెలిసిందే. ఈ క్రమంలోనే రేపు నిధి అగర్వాల్ పుట్టిన రోజు సందర్భంగా ముందుగానే రాజాసాబ్ నుంచి స్పెషల్ పోస్టర్ రిలీజ్ చేస్తూ బర్త్‌డే విషెస్ తెలిపారు చిత్ర బృందం. ఇక రిలీజ్ చేసిన పోస్టర్‌లో నిధి దేవకన్యలా మెరిసిపోతూ యూత్‌ను ఎట్రాక్ట్ చేస్తుంది. లింక్