మెగా బ్రదర్ చేతుల మీదుగా ‘చిరంజీవి’

దిశ, సినిమా: కికు యనమల, కశిష్ ఖాన్ జంటగా నటిస్తున్న సినిమా తాజా చిత్రం ‘చిరంజీవి’. ఇందులో తనికెళ్ల భరణి, ఈశ్వరీ రావు, గోపరాజు రమణ, శ్రీకాంత్ భరత్, వైవా రాఘవ తదితరులు కీలక పాత్రల్లో నటిస్తున్నారు. కికు ఎంటర్‌టైన్మెంట్స్ బ్యానర్‌పై దీప్తి నడిమింటి నిర్మిస్తున్నారు. సాయి వెంకట్ దర్శకత్వం వహిస్తున్నారు. వేసవి విడుదలకు సిద్ధమవుతోన్న ఈ చిత్ర టైటిల్ ఫస్ట్ లుక్ పోస్టర్‌ను మెగా బ్రదర్ నాగబాబు చేతుల మీదుగా లాంచ్ చేశారు. ఈ సందర్భంగా నాగబాబుకు చిత్ర బృందం కృతజ్ఞతలు తెలిపారు. డెక్స్ట్రోకార్డియా (కుడివైపు గుండె ఉండే అరుదైన పరిస్థితి)తో ఉండే చిరు అనే యువకుడు తన జీవితంలో ఎదురైన సంఘర్షణలను, సవాళ్లను, అరుదైన పరిస్థితిని ఎలా తట్టుకుని నిలబడ్డాడు, తను అనుకొన్నవి ఎలా సాధించాడు అనే కథాంశంతో తెరకెక్కిన ఈ మూవీకి రిలీజ్ డేట్ త్వరలో ప్రకటించనున్నారు మేకర్స్.