పేరుకు స్టార్ డైరెక్టర్.. కానీ 'సుకుమార్'కు ఇలాంటి అలవాటు ఏంటి?

దిశ, వెబ్ డెస్క్: టాలీవుడ్ ఇండస్ట్రీలో స్టార్ డైరెక్టర్లలో ఒకరైన సుకుమార్ గురించి ప్రత్యేక పరిచయం అవసరం లేదు. ఈ దర్శకుడు పుష్ప పార్ట్ 1, పార్ట్ 2 చిత్రాలతో ఇండియావ్యాప్తంగా గుర్తింపును సంపాదించుకున్నాడు. సుకుమార్ తన దగ్గర పనిచేసే శిష్యులందరినీ కూడా ఎంతో ఎంకరేజ్ చేస్తారు. దానితో ఈయన దగ్గర పనిచేసిన ఎంతో మంది ప్రస్తుతం దర్శకులుగా అద్భుతమైన స్థాయిలో ఉన్నారు. తాజాగా ఈ దర్శకుడి శిష్యుడు హుస్సేన్ షా కిరణ్ 'మృత్యుంజయ్' చిత్రంతో దర్శకుడిగా పరిచయం అయ్యాడు.

ఈ చిత్రంలో శ్రీ విష్ణు హీరోగా నటించాడు. మార్చి 6న విడుదలైన ఈ సినిమా మంచి టాక్ తెచ్చుకొని విజయవంతంగా థియేటర్లలో ప్రదర్శించబడుతోంది. తాజాగా హుస్సేన్ షా కిరణ్, సుకుమార్ గురించి ఎన్నో ఇంట్రెస్టింగ్ విషయాలను చెప్పుకొచ్చాడు. ఈ దర్శకుడు మాట్లాడుతూ... సుకుమార్ గారు ఎంత బిజీగా ఉన్నా తన శిష్యులు కథ చెప్పడానికి వెళితే దాన్ని వింటారు, అలాగే వారు ఎలాంటి తప్పులు చేయకుండా వారిని గైడ్ చేస్తారు. మృత్యుంజయ్ స్టోరీ మొత్తం పూర్తయ్యాక ఒకసారి వింటారా సార్ అని అడిగాను, ఆ సమయంలో ఆయన పుష్ప పనుల్లో చాలా బిజీగా ఉన్నాడు, వింటారో లేదో అనుకున్నాను. కానీ ప్రత్యేకంగా నాకు టైం కేటాయించి స్టోరీ మొత్తం విన్నాడు.

ఆ తర్వాత నేను ఎలాంటి తప్పులు చేయకుండా ఉండేందుకు కథ బాగానే ఉందా సార్ అని అడిగాను, దానికి ఆయన స్టోరీ సూపర్ గా ఉంది. కానీ నువ్వు ఇందులోని ముఖ్యమైన సన్నివేశాలను చిత్రీకరించిన తర్వాత నాకు చూపించు అన్నారు. సుకుమార్ గారు ఎక్కువ శాతం రాత్రి పూట కారులో కూర్చొని అలా తిరుగుతూ స్టోరీ వింటారు, అలా డ్రైవ్ చేస్తూ ఎయిర్ పోర్ట్ కి వెళ్లి కాఫీ తాగి కూడా వస్తుంటారు. ఒకరోజు స్టోరీ వింటూ వింటూ ఆయన ఇంటి వరకు వెళ్ళాము, దానితో ఆయన ఇప్పుడు నన్ను ఇక్కడికి ఎందుకు తీసుకోచ్చావ్, నేను మళ్ళీ షూటింగ్కి వెళ్ళాలి అన్నారు. అలా ఆయన ఎంత బిజీగా ఉన్నా మాకు చాలా టైం ఇస్తారు అని హుస్సేన్ షా కిరణ్ చెప్పుకొచ్చాడు.