Naga Chaitanya: ‘NC-24’ నుంచి సాలిడ్ అప్‌డేట్.. ఆనందంలో అక్కినేని ఫ్యాన్స్

దిశ, సినిమా: అక్కినేని నాగచైతన్య (Naga Chaitanya) ప్రస్తుతం ఓ భారీ బడ్జెట్ చిత్రం ప్రేక్షకుల ముందుకు వచ్చేందుకు సిద్ధం అవుతున్న విషయం తెలిసిందే. ‘NC-24’ అనే వర్కింగ్ టైటిల్‌తో తెరకెక్కుతున్న ఈ మూవీకి కార్తీక్ దండు (Karthik Dandu) దర్శకత్వం వహిస్తున్నాడు. శ్రీవెంకటేశ్వర బ్యానర్‌పై బీవీఎస్ఎస్ ప్రసాద్ నిర్మిస్తున్నారు. ఇందులో మీనాక్షి చౌదరి హీరోయిన్‌గా నటిస్తుంది. అంతే కాకుండా ఇందులో నాగచైతన్య లుక్ నెవర్ బిఫోర్ అన్నట్లుగా ఉండబోతున్నట్లు ఇప్పటికే మేకర్స్ అనౌన్స్ చెయ్యగా.. అక్కినేని ఫ్యాన్స్‌లో ‘NC-24’పై భారీ అంచనాలు క్రియేట్ అయ్యాయి.

దీంతో ఈ సినిమా నుంచి ఎప్పుడెప్పుడు అప్‌డేట్స్ వస్తాయా అని ఎంతో ఆసక్తిగా వెయిట్ చేస్తున్నారు అభిమానులు. ఈ క్రమంలోనే తాజాగా ఈ సినిమా షూటింగ్‌కు సంబంధించి ఓ ఇంట్రెస్టింగ్ అప్‌డేట్ వచ్చింది. మైథలాజికల్ థ్రిల్లర్‌గా రాబోతున్న ఈ సినిమా తాజాగా సెట్స్ మీదకు వెళ్లింది. ఈ మేరకు షూటింగ్ కోసం అన్నపూర్ణ స్టూడియోలో ఒక పెద్ద గుహ సెట్ వేశారు. ఆ లోకేషన్‌కి మీడియాతో ముచ్చటించారు నాగ చైతన్య, మీనాక్షి చౌదరి (Meenakshi Chowdhury), దర్శకుడు కార్తీక్, నిర్మాత భోగవల్లి ప్రసాద్. దీనికి సంబంధించిన వీడియో త్వరలో రిలీజ్ చేయబోతున్నట్లు తెలిపారు. కాగా.. ఈ సినిమా వచ్చే ఏడాది సమ్మర్లో రిలీజ్ చేస్తారు