దూసుకుపోతున్న‌ ‘లెనిన్’.. మరో మార్క్ అందుకున్న అఖిల్!

దిశ‌, వెబ్ డెస్క్: అఖిల్ అక్కినేని లేటెస్ట్ గా చేసిన సినిమా లెనిన్. మురళీ కిషోర్ అబ్బూరి దర్శకత్వంలో వచ్చిన ఈ సినిమాలో అఖిల్ హీరోగా చేయగా ఆయన సరసన భాగ్యశ్రీ మెరిశారు. పల్లెటూరు బ్యాక్ డ్రాప్ లో రివెంజ్ కథనే ఈ లెనిన్. కథ ప్రారంభం నుంచి చివరి వరకు అద్భుతంగా ఉన్న నేపథ్యంలో బంపర్ హిట్ అందుకుంది. పది రోజుల వ్యవధిలోనే రూ. 100 కోట్ల కలెక్షన్స్ రాబట్టింది.

ఇప్పటికి కూడా విజయవంతంగా థియేటర్లలో నడుస్తోంది లెనిన్. ఈ నేపథ్యంలోనే అఖిల్ ఖాతాలో మరో రికార్డు కూడా నమోదు అయినట్లు తెలుస్తోంది. రెండు తెలుగు రాష్ట్రాల్లోనే కాకుండా యుఎస్ మార్కెట్ లో ఈ మూవీ మంచి కలెక్షన్స్ రాబడుతోంది. నార్త్ అమెరికాలో లెనిన్ సినిమా ఎనిమిది లక్షల డాలర్లు క్రాస్ చేసింది. ఈ మేరకు చిత్ర బృందం కూడా వెల్లడించింది. ఈ ఊపు ఈ నెల చివరి వరకు ఉంటుందని చెబుతున్నారు.