అతనితో నటించే అవకాశం వచ్చింది.. నేను చాలా భయాందోళనకు గురయ్యానంటూ హీరోయిన్ ట్వీట్

దిశ, సినిమా: యంగ్ హీరోయిన్ అదా శర్మ(Adah Sharma) ‘హార్ట్ ఎటాక్’ సినిమాతో మంచి గుర్తింపు సంపాదించుకుంది. ఆ తర్వాత పలు చిత్రాల్లో నటించినప్పటికీ పెద్దగా ఫేమ్ తెచ్చుకోలేకపోయింది. దీంతో బాలీవుడ్ చెక్కేసింది. అక్కడ పలు మూవీస్ చేసి ప్రేక్షకులను అలరించిన ఈ భామ 2019 తర్వాత ఇండస్ట్రీకి దూరం అయింది. మళ్లీ ‘ది కేరళ స్టోరీ’(The Kerala Story) చిత్రంతో రీఎంట్రీ ఇచ్చి బాక్సాఫీసును దేశాన్ని షేక్ చేసిందనడంలో అతిశయోక్తి లేదు. ఇక ఈ సినిమా విడుదలైన తర్వాత ఊహించని రెస్పాన్స్‌ను దక్కించుకోవడంతో పాటు పలు వివాదాలను కూడా ఎదుర్కొంది. గత ఏడాది అదా శర్మ నటించిన ‘బస్తర్: ది నక్సల్ స్టోరీ’(Bastar: The Naxal Story) కూడా పలు వివాదాలకు దారి తీసింది. ఇదిలా ఉంటే.. తాజాగా, అదా శర్మ ట్విట్టర్ ద్వారా ఓ పోస్ట్ పెట్టింది. ‘‘9 సంవత్సరాల క్రితం నేను కన్నడలో అతి పెద్ద సూపర్ స్టార్ పునీత్ రాజ్‌కుమార్ సరసన నటించాను.

బెంగళూరు విమానాశ్రయం నుంచి హోటల్ వరకు అతను అతిపెద్ద బ్రాండ్ల.. 50 కంటే ఎక్కువ హోర్డింగ్‌లలో ఉన్నాడు. సెట్ వెలుపల అతనిని చూడటానికి ముందు రాత్రి నుండి చాలా మంది వ్యక్తులు నిలబడి ఉన్నారు. నేను చాలా భయాందోళనకు గురయ్యా. నా తొలి అవకాశంగా ఈ అవకాశం రావడం ఎంత అదృష్టమో అందరూ నాకు పదేపదే చెప్పారు. కానీ నేను ఎదుర్కొన్న అదృష్టం అన్ని అంచనాలను మించిపోయింది. చాలా మంది వ్యక్తుల ముఖాల్లో చిరునవ్వు తీసుకురావడానికి తన స్టార్‌డమ్‌ని ఉపయోగించి, తన అభిమానులందరినీ వ్యక్తిగతంగా కలుసుకునే అవకాశం కల్పించారు.

నేను కన్నడ మాట్లాడనందున అతను నా కోసం విషయాలను అనువదించేవాడు. అతను తన భార్య, కుటుంబం గురించి చాలా ప్రేమగా మాట్లాడాడు. 45 డిగ్రీల వేడిలో కూడా అతను వాతావరణాన్ని సరదాగా ఉంచగలిగాడు. ఏదో ఒక రోజు నేను స్టార్‌డమ్‌ని ఏ స్థాయికి చేరుకున్నానో ఇదే నేను లక్ష్యంగా పెట్టుకోవాలి అనుకున్నా. స్క్రీన్‌పైనా, ఆఫ్‌స్క్రీన్‌పైనా నా పాత్రను బాగా చేయాలనే కోరికతో పాటు నేను ఇలా ఉండాలని ఓ నిర్ణయానికి వచ్చా. నేను ఇంకా కొనసాగగలను. పునీత్ రాజ్‌కుమార్, మీరు ఎక్కడ ఉన్నా, రాణా విక్రమ సినిమాతోఅరంగేట్రం చేసినందుకు.. దర్శకుడు పవన్ వడెయార్‌కు ధన్యవాదాలు’’ అని రాసుకొచ్చింది. అలాగే ఆయనతో కలిసి డ్యాన్స్ చేసిన వీడియోను షేర్ చేసింది.

9 years ago I made my debut in Kannada opposite the biggest superstar ever - Puneeth Rajkumar! From Bangalore airport to the hotel he was on more than 50 hoardings of the biggest brands. Outside the set there were hordes of people who stood from the night before, just to get a… pic.twitter.com/O3fWWVwjrD

— Adah Sharma (@adah_sharma) April 10, 2025