Stock Market: నష్టాలకు అలవాటు పడ్డ స్టాక్ మార్కెట్లు.. మళ్లీ అదే జరిగిందిగా!

దిశ,వెబ్‌డెస్క్: Stock Market: దేశీయ స్టాక్ మార్కెట్ల(Stock Market)ను ఈ వారం కూడా బేర్ పట్టు విడిచిపెట్టలేదు. అంతర్జాతీయ మార్కెట్లో మిశ్రమ సంకేతాలు, రూపాయి బలహీనత తీవ్ర ప్రభావం చూపిస్తున్నాయి. అదే విధంగా కార్పొరేట్ సంస్థల డిసెంబర్ త్రైమాసిక ఫలితాలు బలహీనంగా ఉండటం మదుపర్ల సెంటిమెంట్ ను ప్రభావితం చేస్తోంది. నేడు ఫిబ్రవరి 17వ తేదీ సోమవారం దేశీయ స్టాక్ మార్కెట్ సూచీలు నష్టాల్లో ట్రేడ్ అవుతున్నాయి.

స్టాక్ మార్కెట్ క్షీణత ఆగే సంకేతాలు కనిపించడం లేదు. వారంలో మొదటిరోజు సోమవారం ట్రేడింగ్ రోజున స్టాక్ మార్కెట్Stock Market) బిఎస్‌ఇ సెన్సెక్స్(Senxsex) 608.83 పాయింట్లు తగ్గి 75,330.38 పాయింట్లకు చేరుకుంది. అదేవిధంగా, NSE నిఫ్టీ(Nifty) 194.50 పాయింట్లు తగ్గి 22,734.75 పాయింట్లకు చేరుకుంది. ఈ విధంగా మార్కెట్ దాని ముఖ్యమైన మద్దతు 23,800 ను విచ్ఛిన్నం చేసింది. పడిపోతున్న స్టాక్‌లను పరిశీలిస్తే, మహీంద్రా, టాటా స్టీల్, NTPC, జొమాటో, TCS, ఇన్ఫోసిస్ మొదలైన వాటిలో పెద్ద క్షీణత ఉంది. మార్కెట్లోని అన్ని సూచీలు ఎరుపు రంగులో ట్రేడవుతున్నాయి. ఈరోజు కూడా మిడ్ క్యాప్, స్మాల్ క్యాప్ లలో పెద్ద క్షీణత ఉంది.

ఆసియా పసిఫిక్ మార్కెట్లో సోమవారం మిశ్రమంగా ట్రేడ్ అవుతున్నాయి. జపాన్ నిక్కీ0.29 శాతం, దక్షిణ కొరియా కోస్పి 0.18శాతం, హాంకాంగ్ సూచీ 0.23శాతం మేర లాభాల్లో ఉండగా..అటు ఆస్ట్రేలియా ఏఎస్ఎక్స్ సూచీ మాత్రం 0.64 శాతం నష్టాలతో కొనసాగుతోంది. అటు అమెరికా మార్కెట్లు శనివారం మిశ్రమంగానే ముగిశాయి. డోజోన్స్ 0.37శాతం, ఎస్ అండ్ పీ 500 సూచీ 0.01శాతం నష్టపోయాయి. నాస్ డాగ్ 0.41 శాతం లాభపడింది.