భారతదేశంలో అత్యంత చౌకైన టెస్లా కారు ఎక్కడ దొరుకుతుంది.? ఎలా బుక్ చేసుకోవాలి.?
ఎలాన్ మస్క్ అధ్వర్యంలో నడిచే టెస్లా సంస్థ భారతదేశంలోకి అడుగుపెట్టింది. దేశ ఆర్థిక రాజధాని ముంబైలో మొదటి షోరూమ్ను
దిశ, వెబ్ డెస్క్ : ఎలాన్ మస్క్ అధ్వర్యంలో నడిచే టెస్లా సంస్థ భారతదేశంలోకి అడుగుపెట్టింది. దేశ ఆర్థిక రాజధాని ముంబైలో మొదటి షోరూమ్ను ప్రారంభించిన టెస్లా, మోడల్ వై కారును భారతీయ మార్కెట్లో అందుబాటులోకి తెచ్చింది. ఆసక్తికరంగా, ఈ కారు ముంబై కంటే ఢిల్లీలో తక్కువ ధరకు లభిస్తోంది. టెస్లా వెబ్సైట్ ద్వారా ఆన్లైన్లో బుకింగ్ చేసుకునే అవకాశం కల్పించింది.
మూడు నగరాల్లో బుకింగ్ లభ్యం.. ప్రస్తుతం టెస్లా మోడల్ వై కోసం మూడు నగరాల్లో.. ముంబై, ఢిల్లీ, గురుగ్రామ్ నగరాల్లో రిజిస్ట్రేషన్లు అందుబాటులో ఉన్నాయి. ఈ ఎలక్ట్రిక్ కారును ఆరు రంగుల్లో విడుదల చేశారు.
అవి: స్టెల్త్ గ్రే, పర్ల్ వైట్ మల్టీ కోట్, డైమండ్ బ్లాక్, గ్లేసియర్ బ్లూ, క్విక్ సిల్వర్, అల్ట్రా రెడ్,
ఆన్-రోడ్ ధరలు.. నగరాల వారీగాస్టెల్త్ గ్రే వేరియంట్కు మూడు నగరాల్లో ఆన్-రోడ్ ధర ఇలా ఉంది:
- ఢిల్లీ: ₹61,06,690
- ముంబై: ₹61,07,190
- గురుగ్రామ్: ₹66,76,831
దీన్ని బట్టి చూస్తే, ఢిల్లీలోనే టెస్లా మోడల్ వై అత్యంత తక్కువ ధరకు లభిస్తోంది. ముంబైతో పోలిస్తే దాదాపు ₹500 తక్కువ. అయితే గురుగ్రామ్లో రిజిస్ట్రేషన్ ఖర్చులు ఎక్కువగా ఉండటంతో ధర కూడా ఎక్కువగా ఉంది.
బుకింగ్ ఎలా చేయాలి?
టెస్లా మోడల్ వై కొనుగోలు చేయాలనుకునే వారు, కంపెనీ అధికారిక వెబ్సైట్ ద్వారా బుకింగ్ చేసుకోవచ్చు. UPI లేదా కార్డు ద్వారా బుకింగ్ కోసం ₹22,220 చెల్లించాలి. ఆ తర్వాత 7 రోజుల లోగా మిగతా ₹3 లక్షలు చెల్లించాలి. అయితే, ఒకవేళ బుకింగ్ చేసిన తర్వాత కొనుగోలు కొనసాగించకపోతే, చెల్లించిన మొత్తం రీఫండ్ చేయబడదు.
