అసెంబ్లీ స్పీకర్ తమ్మినేని సీతారాం వివాదాస్పద వ్యాఖ్యలు

దిశ, ఏపీ బ్యూరో: రాష్ట్ర అసెంబ్లీ స్పీకర్ తమ్మినేని సీతారాం సంచలన వ్యాఖ్యలు చేశారు. మ‌హిళ‌ల‌పై అత్యాచారాలు చేసేవారిని భూమిపై లేకుండా చేయాలని సూచించారు. అవుట్ ఆఫ్ ది లా అమ‌లు చేస్తేనే స‌మాజంలో న్యాయం జరుగుతుందన్నారు. శ్రీకాకుళం జిల్లాలో దిశ యాప్ అవగాహన కార్యక్రమంలో పాల్గొన్న తమ్మినేని సీతారాం ఈ వ్యాఖ్యలు చేశారు. మీ ‘లా’ లు ఏమిచేస్తాయో తనకు తెలియదని సీతారాం పేర్కొన్నారు. సమాజానికి రక్షణగా ఉండాల్సిన మగాడు మృగంగా మారితే క్షమించకూడదన్నారు. ఎక్కడో ఒక దగ్గర మహిళలపై దాడులకు ఫుల్ స్టాప్ పడాలని తమ్మినేని సీతారాం తన అభిప్రాయాన్ని వెల్లడించారు.