ప్రకాశం బ్యారేజీ పై నుంచి దూకిన మహిళ

దిశ,వెబ్‌డెస్క్: విజయవాడ(Vijayawada) ప్రకాశం బ్యారేజ్(Prakasam barrage) పై నుంచి దూకి ఓ మహిళ ఆత్మహత్యాయత్నానికి పాల్పడిన ఘటన తాజాగా వెలుగులోకి వచ్చింది. ఓ మహిళ వేగంగా బ్యారేజీ వద్దకు నడుచుకుంటూ వచ్చి.. కృష్ణానదిలోకి దూకేసింది. ఈ ఘటనను సకాలంలో గుర్తించిన NDRF బృందం వెంటనే యాక్షన్ ప్లాన్ అమలు చేసింది. ఈ క్రమంలో డ్రోన్లు, వాటర్ బెలూన్లు వాడి ఆ మహిళ ప్రాణాలు కాపాడారు. అయితే ఆ మహిళ కుటుంబ కలహాలతో ఆత్మహత్యకు ప్రయత్నించినట్లు పోలీసులు తెలిపారు. దీంతో పోలీసులు మహిళ కుటుంబీకులను పిలిపించి కౌన్సిలింగ్ ఇచ్చారు. సకాలంలో స్పందించి మహిళ ప్రాణాలు కాపాడి రెస్క్యూ టీమ్స్ శభాష్ అనిపించుకున్నారు. ప్రకాశం బ్యారేజ్‌లో NDRF పోలీసుల సాహసానికి ప్రశంసలు వెల్లువెత్తుతున్నాయి.